عالىمدار: سەمىزدىك وبىر دەرتىنىڭ 11 تۇرىنە شالدىقتىرادى
200 استام زەرتتەۋلەردىڭ ناتيجەلەرىنە بايلانىستى سەمىزدىك وبىر دەرتىنىڭ 11 ءتۇرىن تۇعىزۋ قاۋپى بار دەپ دالەلدەنگەن. ولار اسقازان، تىك ىشەك پەن توق ىشەك، ۇيقى بەزى، بۇيرەك، انالىق بەز، جاتىر وبىرى جانە تىنىس جولدارى مەن سۇيەك كەمىگى دەرتىنە ءجيى شالدىقتىرادى.
اتالعان اۋرۋلاردىڭ الدىڭعى قاتارىندا ءوت شىعارۋ جولدارىمەن تىعىز بايلانىستى باۋىر، ۇيقى بەزى مەن ءوت جولى وبىرى ءجيى كەزدەسەدى.
وبىر دەرتىن زەرتتەيتىن حالىقارالىق اگەنتتىكتىڭ قىزمەتكەرى مارك گانتەردىڭ ويىنشا دارىگەرلەرگە وبىر دەرتىن تۇعىزۋ قاۋپىنە بايلانىستى پاتسيەنتتەردىڭ سەمىزدىگى مەن ارتىق سالماقتارىمەن كۇرەسى تەك ديابەت پەن جۇرەك- قان تامىرلارى اۋىرۋىنا عانا ەمەس سونىمەن قاتار وبىر دەرتىنىڭ كەيبىر تۇرلەرىنە دە ەم ەكەنىن ءتۇسىندىرۋ قاجەت.
زەرتتەۋلەر بويىنشا ازىرشە ارتىق مايدىڭ ادام اعزاسىندا وبىر دەرتىن قالاي تۋدىراتىنى تۋرالى ناقتى دالەل جوق.
دەگەنمەن عالىمداردىڭ پايىمداۋىنشا سەمىزدىك گورموندىق شالىس پەن زاتتاردىڭ الماسۋىن ناشارلاتادى. ال ول ءوز كەزەگىندە ەستروگەن مەن ينسۋليننىڭ دەڭگەيىن كوتەرىپ قابىنۋ پروتسەسسىن ارتتىرادى.
Cancer Research وبىر دەرتىن زەرتتەيتىن ورتالىقتىڭ دارىگەرى رەيچەل ورريتتىڭ ايتۋىنشا: «كەي ۋاقىتتا باسپالداقتى ءجيى پايدالانىپ قۇرامىندا قانتى جوق سۋسىنداردى پايدالانۋدىڭ ءوزى سالماقتى قالىپتى دەڭگەيدە ۇستاپ وبىر دەرتىنىڭ قاۋپىن نەشە ەسەگە تومەندەتەدى»، - دەيدى.
الەمدە ءولىم-ءجىتىمنىڭ نەگىزگى كورسەتكىشى بولىپ وبىر دەرتى الدىڭعى ورىندارىندىڭ بىرىندە تۇر. ال سەمىزدىك قاۋپى سوڭعى 40 جىلدا ەكى ەسەگە وسكەن.
سوندىقتان ارتىق سالماعى بار ادامداردىڭ بارلىعى دەرلىك جوعارى قاۋىپ قاتارىنا جاتاتىنىن ۇمىتپاۋلارى ءتيىس.
دەرەككوزى: http://www.bbc.com/russian
