قىتايدا 11 مىڭنان استام قازاقستاندىق ءبىلىم الۋدا

بۇل تۋرالى بۇگىن ەلوردادا ءوتىپ جاتقان ورتالىق ازيانىڭ قاۋىپسىزدىگىنە ارنالعان جىل سايىنعى 14- كونفەرەنسيادا ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى.

«بۇگىنگى كۇنى قازاقستاندا 1 مىڭنان استام قىتاي ازاماتى ءبىلىم الىپ جاتىر. ال قىتايدىڭ ءتۇرلى جوعارى وقۋ ورىندارىندا 11 مىڭنان استام قازاقستاندىق وقىپ جاتىر»، - دەدى ول.

وسى رەتتە ە. قارين بۇگىنگى كۇنى قازاقستان مەن قىتاي تەك ەكونوميكادا عانا ەمەس، سونىمەن بىرگە مادەني- گۋمانيتارلىق سالالاردا دا ىنتىماقتاستىقتى جولعا قويعانىن باسا ايتتى.

«ق ر سىرتقى ىستەر مينيسترلىگىنىڭ مالىمەتتەرىنە سايكەس، قازاقستاندا استانا، الماتى، اقتوبە، قاراعاندى ۋنيۆەرسيتەتتەرى جانىندا 4 كونفۋسي(كۇڭزى) ينستيتۋتى جۇمىس ىستەپ تۇر. مۇنان بولەك، 4 قازاقستاندىق- قىتايلىق مادەني ورتالىق بار. ال قىتايدىڭ بەيجىڭ، شاڭحاي، داليان قالالارىندا شەتەل تىلدەرى ۋنيۆەرسيتەتتەرىندە 3 قازاقستان ورتالىعى اشىلعان»، - دەدى ينستيتۋت ديرەكتورى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى