اق ۇيدە 11 جىل باس اسپاز بولعان ەر ادامنىڭ مۇردەسى تابىلدى
استانا. قازاقپارات - 1994-جىلى حيللاري كلينتون «اق ءۇيدىڭ» باس اسپازى ەتىپ جالداعان ۋولتەر شەيبتىڭ 13- ماۋسىمدا جوعالىپ كەتكەنى تۋرالى حابارلانعان.
BBC اگەنتتىگىنىڭ جازۋىنشا، «اق ءۇيدىڭ» بۇرىنعى اسپازىنىڭ مۇردەسى 22- ماۋسىم كۇنى نيۋ-مەكسيكو تاۋىنان تابىلدى.
61 جاستاعى شەيب تاۋعا سەرۋەنگە جالعىز ءوزى شىققان. ونىڭ اجالى نەدەن كەلگەنى ازىرگە انىقتالعان جوق.
ۋولتەر «اق ۇيدە» اسپاز بولىپ 11 جىل جۇمىس جاساعان.