كاسىپكەرلىك كودەكس جوباسى قولدانىسقا ەنگەننەن سوڭ 11 زاڭنىڭ كۇشى جويىلادى

ەسكە سالا كەتەيىك، مەملەكەت باسشىسى ن. نازاربايەۆ كاسىپكەرلىك كودەكس جوباسىن ازىرلەپ، وندا قازاقستاندىق كاسىپكەرلەر قىزمەتىنىڭ نەگىزگى قاعيداتتارىن جانە ولاردىڭ مەملەكەتپەن ءوزارا ءىس-قيمىلىن بەكىتۋدى تاپسىرعان بولاتىن. ەلباسى: «بۇل - قازاقستاندىق بيزنەستىڭ كونستيتۋتسياسى بولۋى ءتيىس»، - دەگەن ەدى.

پرەزيدەنت تاپسىرماسىن ورىنداۋ ماقساتىندا ادىلەت مينيسترلىگى كاسىپكەرلىك كودەكس جوباسىن دايىنداعان. «جالپى كودەكس جوباسىنىڭ ماقساتى قازاقستانداعى كاسىپكەرلىك سۋبەكتىلەرى مەن مەملەكەتتىڭ ءوزارا ءىس-قيمىلى، ونىڭ ىشىندە مەملەكەتتىك رەتتەۋ جانە كاسىپكەرلىكتى قولداۋ سالاسىنداعى زاڭنامانى جەتىلدىرۋ، كاسىپكەرلىك قاتىناستاردى قۇقىقتىق رەتتەۋدەگى ولقىلىقتار مەن قايشىلىقتاردى جويۋ، سونداي-اق ەلىمىزدەگى كاسىپكەرلىك ەركىندىگىن قامتاماسىز ەتەتىن قۇقىقتىق، ەكونوميكالىق جانە الەۋمەتتىك شارتتار مەن كەپىلدىكتەردى جۇيەلەۋ بولىپ تابىلادى»، - دەدى جيىندى اشقان ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى سەيىتسۇلتان ايىمبەتوۆ.

ونىڭ سوزىنە قاراعاندا، كاسىپكەرلىك كودەكس جوباسىندا جالپى قولدانىستاعى كاسىپكەرلىك قىزمەتتى رەتتەيتىن زاڭدار شوعىرلاندىرىلعان. اتاپ ايتقاندا، مۇندا قولدانىستاعى 11 زاڭ جيناقتالىپ وتىر. سونىمەن قاتار، كودەكستە كاسىپكەرلىك، دارا كاسىپكەرلەر مەن كوممەرتسيالىق زاڭدى تۇلعالار، ۇلتتىق كاسىپكەرلەر پالاتاسى سەكىلدى بىرلەستىكتەردىڭ جۇمىس ىستەۋ جاعدايلارى تۋرالى دا جالپىلاما نورمالار قامتىلعان. جالپى كودەكس جوباسى 465 باپتان تۇرادى.

«كودەكس جوباسى اسا كۇردەلى. ەلىمىزدەگى بارلىق مينيسترلىكتەر مەن ۆەدومستۆولاردىڭ بۇعان قاتىسى بار. سوندىقتان دا، زاڭ جوباسىن تالقىلاۋ بارىسىندا ولاردان مۇقياتتىلىقتى تالاپ ەتەتىن بولامىز. اسىرەسە، ۇلتتىق ەكونوميكا، ينۆەستيتسيالار جانە دامۋ مينيسترلىگىنە جانە اۋىل شارۋاشىلىعى مينيسترلىگى تاراپىنان ەرەكشە بەلسەندىلىك تالاپ ەتىلەدى»، - دەدى دەپۋتات س. ايىمبەتوۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى