استانادا 11 جاستاعى قىزعا تيىسكەن ءازىربايجان ازاماتى ۇستالدى
«استانا قالاسىنىڭ ىشكى ىستەر دەپارتامەنتىنە قالا تۇرعىنى حابارلاسىپ، 23- قاڭتاردا شامامەن ساعات 15.00 دە ءۇيىنىڭ كىرەبەرىسىندە ءوزىنىڭ 11 جاستاعى قىزىنا بەلگىسىز بىرەۋدىڭ قىرىنداعانىن ايتتى. جەدەل تۇردە وتكىزىلگەن ءىس-شارا كەزىندە پوليتسيا قىزمەتكەرلەرى كۇدىكتىنى انىقتاپ، ۇستادى. ول ءازىربايجاننىڭ 22 جاستاعى ازاماتى بولىپ شىقتى»، - دەلىنگەن باسپا ءسوز حابارلاماسىندا.
پوليتسەيلەر كۇدىكتىنىڭ استاناعا تۋىسقاندارىنىڭ ۇيىنە قوناققا كەلگەنىن انىقتادى. قالاعا كەلگەن ول كوشى-قون پوليتسياسىنا وسى جىلدىڭ 17- قاڭتارى مەن 14- اقپان ارالىعى مەرزىمىندە ەلدە بولۋعا رەسمي تۇردە تىركەلگەن.
قازىرگى ۋاقىتتا وسى دەرەككە سايكەس ق ر 124-بابى بويىنشا («كامەلەتكە تولماعانداردى ازعىنداۋ») قىلمىستىق ءىس قوزعالدى. كۇدىكتى تەرگەۋ يزولياتورىنا قامالدى. سوتقا دەيىنگى تەرگەۋ جۇرگىزىلىپ جاتىر.
