ماڭعىستاۋ وبلىسىندا 11 مىڭنان استام ۇساق مال قىرىلىپ قالعان
وتكەن جىلدىڭ وسى ءۇشىنشى توقسانىندا 186 ءمۇيىزدى ءىرى قارا، 12714 قوي، 2476 ەشكى، 829 جىلقى جانە 591 تۇيە شىعىن بولعان. اسىرەسە، جىلقى مەن تۇيە مالىنىڭ اراسىندا شىعىن كوبىرەكتەۋ. ماڭعىستاۋ اۋدانىندا 18 جىلقى، جاباعى مەن تاي ارام ءولدى.
ولاردىڭ ءبارىنىڭ ولەكسەلەرى ورتەلىپ كومىلدى دەيدى وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى تالعات بالتابەكوۆ.
- وتكەن جىلى وبلىسىمىزدىڭ بارلىق اۋداندارى مەن قالالارىنىڭ «ۆەتەرينارلىق ستانسيا» دەپ اتالاتىن مەملەكەتتىك كوممۋنالدىق كاسىپورىندارىنا بارلىق قۇرال-جابدىقتار مەن تەحنيكالار، مال ولەكسەلەرىن ورتەۋ ءۇشىن ارنايى پەشتەر ساتىپ الىنىپ بەرىلدى. سوندىقتان دا مال ولەكسەلەرىن جويۋدا وزەكتى ماسەلەلەر جوق، - دەيدى تالعات شامشادەن ۇلى.
قازىر مال شارۋاشىلىعىن ازىقپەن قامتاماسىز ەتۋ ماسەلەلەرى وبلىس اكىمىنىڭ جانىنان قۇرىلعان وبلىستىق شتابتىڭ تۇراقتى باقىلاۋىندا تۇر.
ايا ءومىرتاي
Baq.kz
