اتىراۋ ءوڭىرى حالقىنىڭ تەك 11 پايىزى مۇناي- گاز سالاسىندا جۇمىس ىستەيدى

وڭىردەگى جۇمىسپەن قامتۋ ماسەلەسىنە توقتالعان اكىم: «وبلىستا ەكونوميكالىق بەلسەندى توپتىڭ 95 پايىزدان استامى جۇمىسپەن قامتىلعان. اتىراۋ مۇنايلى ولكە بولعانىمەن دە، مۇناي- گاز سالاسىندا ادامداردىڭ تەك 11 پايىزى عانا جۇمىس ىستەيدى. سوندىقتان جۇمىسپەن قامتۋدىڭ مەملەكەتتىك باعدارلاماسىنىڭ ماڭىزى وتە زور»، - دەدى ءوڭىر باسشىسى.

ونىڭ ايتۋىنشا، «جۇمىسپەن قامتۋ-2020 جول كارتاسى» باستالعالى بەرى وبلىستا 18 مىڭعا جۋىق ادام ەڭبەكپەن قامتىلدى.

بۇدان بولەك، ەكى جىل ىشىندە ءۇ ي ي د مەملەكەتتىك باعدارلاماسى بويىنشا جوبالاردىڭ سانى ەكى ەسەگە ارتىپ، 22-دەن 44-كە دەيىن ءوستى.

«باعدارلاما اياسىندا اتىراۋ وبلىسىندا ينۆەستيتسيا 1,6 ترليون تەڭگەدەن استى. ءۇ ي ي د بويىنشا بۇگىندە 28 جوبانى ىسكە قوستىق. 22 جوبا ءوزىنىڭ جوسپارلى قۋاتىنا شىقتى، ال قالعان جوبالار جىل سوڭىنا دەيىن ءوز قۋاتىنا شىعۋى ءتيىس» ، - دەدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى