جاپونيادا الەمدەگى ەڭ قارت ادام 119 جاسقا تولدى

1903 -جىلى 2- قاڭتاردا فۋكۋوكا پرەفەكتۋراسىندا دۇنيەگە كەلگەن تاناكا جاپونيادا مەيدزي، تايسيە، سيەۆا، حەيسەي جانە قازىرگى رەيۆا داۋىرلەرىن باستان وتكەردى جانە وتباسى مۇشەلەرىنىڭ ايتۋىنشا، 120 جاسقا دەيىن ءومىر سۇرۋدەن ۇمىتتەنەدى.

1903 -جىلى دۇنيەگە كەلگەن كورنەكتى ادامدار اراسىندا بريتاندىق جازۋشى دجوردج ورۋەلل، كينورەجيسسەر ياسۋدزيرو ودزۋ جانە جاپون اقىنى ميزۋزۋ كانەكو بار. تاناكا 2019 -جىلدىڭ ناۋرىز ايىندا 116 جاستاعى ەڭ كارى ادام رەتىندە تانىلىپ، گيننەستىڭ رەكوردتار كىتابىنا ەندى. سونىمەن قاتار ول تۋعانىنا 117 جىل 261 كۇن تولعاندا جاپونيادا رەكوردتىق جاسقا جەتتى.

فۋكۋوكاداعى قارتتار ۇيىندە تۇراتىن تاناكا ونداعى قىزمەتكەرلەرمەن ىم- يشارا ارقىلى ارالاسادى جانە ساندىق جۇمباقتاردى شەشۋ ارقىلى ءوزىن ءجيى سىنايدى. ول شوكولاد پەن گازدالعان سۋسىنداردى جاقسى كورەدى. توعىز اعايىندىنىڭ ىشىندەگى جەتىنشىسى تاناكا 19 جاسىندا تۇرمىسقا شىقتى. كۇيەۋى مەن ۇلكەن ۇلى 1937 -جىلى باستالعان ەكىنشى قىتاي- جاپون سوعىسى كەزىندە شايقاسقا كەتكەندە، ول كەسپە جاساپ ساتىپ وتباسىن اسىراعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى