الەمنىڭ 119 ەلى قازاقستاندا وندىرىلگەن ءونىمدى تۇتىنادى
«ءبىز ءۇشىن باستى نارىق: قىتاي، ورتالىق ازيا، ەاەو جانە ەۋروپالىق وداق ەلدەرى بولىپ تابىلادى. الدىن الا مالىمەتتەر بويىنشا 2018 -جىلعى 11 ايدىڭ ىشىندە وتاندىق ءونىمدى ەكسپورتتاۋ %26,4 ءوستى جانە 54,7 ميلليارد ا ق ش دوللارىن قۇراعان. قازاقستاننىڭ ەكسپورتىنىڭ نارىقتاعى ەكسپورتتاۋ ۇلەسى: ە و % 52، قىتاي % 10، ەاەو % 10، و ا % 5 بولىپ تابىلادى. ءبىز ۋران، مىس، تيتان، فەرروقورىتپا، سارى فوسفور، ۇن، ماقتا مايى، بيداي، زىعىر تۇقىمىن جەتكىزۋ بويىنشا الەمدىك كوشباسشى بولىپ وتىرمىز» ، - دەدى ول.
ونىڭ ايتۋىنشا، سوڭعى جىلدارى ەكسپورتتىڭ ساپالىق قۇرىلىمى بارىنشا جاقسارتىلدى، شەتەلگە ساتىلاتىن ءونىمنىڭ ۇشتەن ءبىر بولىگى ەكونوميكانىڭ شيكىزاتتىق ەمەس سەكتورىنا جاتادى.
2018 -جىلعى 11 ايدىڭ قورىتىندىسى بويىنشا، نەگىزىنەن قازاقستاندىق ءونىمدى ورتالىق ازيا ەلدەرىنە ەكسپورتتاۋدىڭ %28 عا وسكەنى بايقالادى. وسى ەلدەرگە جىبەرىلەتىن ەكسپورتتىڭ سومالىق كولەمى 2,6 ميلليارد ا ق ش دوللارىن قۇرادى.
«بىرنەشە كۇن بۇرىن تاجىكستانعا ەلىمىزدە قۇراستىرىلعان 30 شاعىن اۆتوبۋستاردىڭ ءبىرىنشى پارتياسى جىبەرىلدى. ءوندىرۋشى Hyundai TransCom Kazakhstan دۋشانبەگە وسىنداي جالپى سانى 300 اۆتوبۋستى ەكسپورتتايتىن بولادى. سونىمەن قاتار، وتكەن جىلى اۋعانستانعا العاش رەت قازاقستاندىق رەلستەر جونەلتۋ بويىنشا كەلىسىم- شارتقا قول قويىلدى. ەلباسىنىڭ تاپسىرماسى بويىنشا شيكىزاتتىق ەمەس ەكسپورتتى ۇلعايتۋ ءۇشىن بيىل مەملەكەتتىك قولداۋدىڭ ءداستۇرلى جانە جاڭا شارالارىن ەنگىزۋ بويىنشا ءبىرقاتار شارالار قابىلداناتىن بولادى. 2019-2021 -جىلدارى ەكسپورتتىق قولداۋدىڭ قارجىلىق جانە سەرۆيستىك شارالارىنا 500 ميلليارد تەڭگە كوزدەلگەن» ، - دەدى جەڭىس قاسىمبەك.
ءمينيستردىڭ ايتۋىنشا، وڭىرلىك ەكسپورتتىق نارىقتارداعى كۇرەستىڭ كۇشەيىپ كەلە جاتقاندىعىن ەسكەرە وتىرىپ، قازاقستاندىق ونىمدەر ەكسپورتى ىلگەرىلەتۋدىڭ نەگىزگى قۇرالدارىنىڭ ءبىرى - ساۋدا وكىلدىكتەرىنىڭ كەڭ جەلىسىن قۇرۋ بولىپ تابىلادى.
«2019 -جىلى رەسەي، قىتاي جانە ورتالىق ازيا ەلدەرىندە قوسىمشا 10 ساۋدا وكىلدىكتەرىن اشۋ جوسپارلانۋدا. ساۋدا وكىلدىكتەرى اكىمشىلىك جانە ساۋدا كەدەرگىلەرىن ەڭسەرۋ ماسەلەلەرىن شەشۋدى قامتاماسىز ەتەدى، بيزنەسكە وزدەرىنىڭ ونىمىنە قويىلاتىن تالاپتار تۋرالى ناقتى تۇسىنىك بەرەدى، الەۋەتتى ساتىپ الۋشىلاردىڭ شەڭبەرىن كەڭەيتەدى جانە جەتكىزۋدىڭ ءتيىمدى مارشرۋتىن قامتاماسىز ەتەدى. جوعارىدا كورسەتىلگەن شارالاردىڭ بارلىعى شيكىزاتتىق ەمەس ەكسپورتتىڭ ۇلەسىن ۇلعايتۋعا باعىتتالعان» ، - دەدى ول.
