الماتى بيۋدجەتى 117 ميلليارد تەڭگەگە ۇنەمدەلدى
بۇل تۋرالى الماتى قالاسى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ماقسات قيقىموۆ بۇگىن وڭىرلىك كوممۋنيكاتسيا قىزمەتىنىڭ الاڭىندا «5 ينستيتۋتتىق رەفورمانى جۇزەگە اسىرۋداعى 100 ناقتى قادام» ۇلت جوسپارىنىڭ ورىندالۋى تۋرالى بريفينگتە ءمالىم ەتتى، دەپ حابارلايدى «قازاقپارات» ءتىلشىسى.
«بيۋدجەتتى وڭتايلاندىرۋ جونىندەگى مەملەكەت باسشىسى نۇرسۇلتان نازاربايەۆتىڭ تاپسىرماسىن ورىنداۋ بويىنشا قالا اكىمىنىڭ ءتيىمدى جۇمىسى نەگىزىندە 117 ميلليارد تەڭگەنى ۇنەمدەۋگە مۇمكىندىك تۋدى»، - دەدى ماقسات قيقىموۆ.
ونىڭ ايتۋىنشا، بيۋدجەتتى وڭتايلاندىرۋ 2 باعىت بويىنشا جۇرگىزىلدى. «بىرىنشىدەن، باسىمدىققا يە ەمەس بارلىق شىعىستار، سونداي- اق جەكە ينۆەستورلار ىسكە اسىرۋى مۇمكىن شىعىستار الىنىپ تاستالدى. وتكەن جىلى قازان ايىندا قالا بيۋدجەتى ءبىرقاتار ءىرى اۋقىمدى باسىمدىققا يە ەمەس شىعىنى كوپ جوبالاردى توقتاتا تۇرۋ ەسەبىنەن 30 ميلليارد تەڭگەنى ۇنەمدەدى. بيزنەستىڭ الەۋمەتتىك جاۋاپكەرشىلىگى شەڭبەرىندە 40 ميلليارد تەڭدەگەن استام سومانى قامتيتىن جوبالار جۇزەگە اسىپ جاتىر. ونىڭ ىشىندە 27 بالا باقشانى، 4 مەكتەپتى، 500 كەلۋشىگە ارنالعان ەمحانانى، سپورت كەشەنىن سالۋ جوسپارى بار. بالالار جانە سپورت الاڭىن اشۋ جوباسى بويىنشا 280 نىساننىڭ 167 سى اشىلدى.
بيۋدجەت قاراجاتىن ۇنەمدەۋ ماقساتىندا مەملەكەتتىك جەكەمەنشىك ارىپتەستىك (م ج ءا) تەتىكتەرىن پايدالانا وتىرىپ، جەكە مەنشىك كوتتەدجدەردە جانە ءۇي- جايلاردا 142 بالاباقشا جانە 495 ورىنعا ارنالعان شاعىن ورتالىقتار اشىلدى. بۇل بيۋدجەت قاراجاتىن قۇرىلىس، سونداي-اق، ودان كەيىنگى وپەراتسيالىق شىعىستار بويىنشا شامامەن 16,5 ميلليارد. تەڭگەگە ۇنەمدەدى»، - دەدى م. قيقىموۆ.
بريفينگتە ماقسات قيقىموۆ ەكىنشى باعىتتى دا اتاپ ءوتتى. ونىڭ ايتۋىنشا، جوبالاردىڭ قۇنىن 60 ميلليارد تەڭگەگە وڭتايلاندىرۋ ەسەبىنەن ءبىرشاما قاراجات ۇنەمدەلگەن. «جوبالىق سمەتالىق قۇجاتتامانى (ج س ق) تۇزەتۋ ەسەبىنەن ا ى ءى ب عيماراتى قۇرىلىسىنىڭ قۇنى 800 ميلليون تەڭگەگە، اكىمشىلىك عيماراتتارى كەشەنى 1,2 ميلليارد تەڭگەگە جانە ناۋرىزباي اۋدانىندا قارعالى وزەنىن قايتا جاڭارتۋ 500 ميلليون تەڭگەگە وڭتايلاندىرىلدى. جول ايرىقتاردى ءبىر جاققا اۋىستىرۋ ەسەبىنەن رىسقۇلوۆ داڭعىلى مەن ەمتسوۆ كوشەلەرىنىڭ قيىلىسىنداعى كولىك جول ايىرىعى قۇرىلىسىنىڭ جوبالىق سمەتالىق قۇجاتتاماسى 8,3 ميلليارد تەڭگەگە جانە رىسقۇلوۆ داڭعىلى مەن قۇلجا كۇرە جولى قيىلىسىنداعى جول ايىرىقتىڭ قۇرىلىسى 5 ميلليارد تەڭگەگە وڭتايلاندىرىلدى»، - دەدى باسقارما باسشىسى.
سونىمەن قاتار، قايىربەكوۆ كوشەسىنەن شىعىس اينالما اۆتوجولىنا دەيىن جانە رىسقۇلوۆ داڭعىلى مەن ساين كوشەلەرىنىڭ قيىلىسىنداعى كولىك جول ايرىقتارىن سالا وتىرىپ جەر تەلىمدەرىن ساتىپ الۋدى وڭتايلاندىرۋ ەسەبىنەن تولە ءبي كوشەسىن ۇزارتۋ كەزىندە 9,4 ميلليارد تەڭگە ۇنەمدەلگەن.
«ۋنيۆەرسيادانىڭ 3 ءىرى نىسانى قۇرىلىسىنىڭ قۇنى الماتى ارەنا، حالىق ارەنا جانە اتلەتيكالىق اۋىل 19,5 ميلليارد تەڭگەگە وڭتايلاندىرىلدى. بۇل دەۆالۆاتسيا سالدارىنان جوبا قۇنىنىڭ ءوسۋىن توقتاتۋعا مۇمكىندىك بەردى. ۋنيۆەرسيادانى وتكىزۋگە ارنالعان بيۋدجەت باستاپقىدا 33,1 ميلليارد تەڭگەنى قۇرادى، ول 15,2 ميلليارد تەڭگەگە وڭتايلاندىرىلدى»، - دەدى م. قيقىموۆ.
