قازاقستان الەمنىڭ 117 ەلىنە ءوز تاۋارىن ەكسپورتتايدى

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.

«ەكسپورت گەوگرافياسى 117 ەلدى قامتيدى. 2015-جىلدىڭ قورىتىندىسىندا ۇزدىك 10 ەكسپورتتىق ەلدەرگە يتاليا، قىتاي، نيدەرلاندى، رەسەي، فرانسيا، شۆەيتساريا، رۋمىنيا، تۇركيا، گرەكيا جانە يسپانيا كىردى. بۇل ەلدەرگە ەكسپورت كولەمى بارلىق ەكسپورتتىڭ 75 پايىز ۇلەسىن الادى. ەكسپورتتىق تاۋارلار سانى - 824. ەكسپورتتى قولداۋ مەملەكەتتىك باعدارلاماسىمەن ەكونوميكانىڭ شيكىزاتتىق ەمەس سەكتورىنىڭ شامامەن 1500 ەكسپورتقا باعدارلانعان كاسىپورنى قامتىلدى»، - دەدى ول.

ونىڭ سوزىنە قاراعاندا، باعدارلاما جۇمىس ىستەگەن 6 جىلدىڭ ىشىندە الەمنىڭ 40 تان استام ەلىندە قازاقستاندىق بيزنەستىڭ شامامەن 200 ساۋدا ميسسياسى وتكىزىلدى. ولارعا 1 مىڭنان استام قازاقستاندىق تاۋار وندىرۋشىلەر قاتىستى.

«مۇنداي قولداۋدىڭ ناتيجەسىندە ماشينا جاساۋ، حيميا سالاسى، مەتاللۋرگيا، جەڭىل ونەركاسىپ، ازىق-تۇلىك، اۋىل شارۋاشىلىعى تاۋارلارى سالالارىنىڭ وڭدەلگەن ونىمدەرىن شامامەن 1,7 ميلليارد ا ق ش دوللارى سوماسىنا ە ا ە و، ت م د، ە و، ازيا جانە قىتاي ەلدەرىنە جەتكىزۋدىڭ ەكسپورتتىق كەلىسىمشارتى جاسالدى. بۇل 1 بيۋدجەت تەڭگەسىنىڭ 57 تەڭگە ەكسپورتتىق كەلىسىمشارتپەن قايتۋىن قامتاماسىز ەتتى»، - دەدى ءا. يسەكەشەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى