الماتىدا 116 مەديتسينا قىزمەتكەرى، 3 جۇكتى ايەل كوروناۆيرۋس جۇقتىرعان

بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ايتتى، دەپ حابارلايدى قازاقپارات ءتىلشىسى.

الماتىدا 14-ساۋىردە كوروناۆيرۋستىق ينفەكسيانى جۇقتىرۋدىڭ راستالعان 346 جاعدايى تىركەلگەن. ونىڭ ىشىندە 6 بالا، 3 جۇكتى ايەل بار.

«قالادا ءبىر تاۋلىكتە 174 جاڭا ناۋقاس تىركەلگەن. ونىڭ 58 ى جەرگىلىكتى ناۋقاسپەن بايلانىستا بولعان ادامدار. سونىڭ ىشىندە بالالار قالالىق كلينيكالىق جۇقپالى اۋرۋلار اۋرۋحاناسىنىڭ 1 قىزمەتكەرى، ورتالىق قالالىق كلينيكالىق اۋرۋحانانىڭ 110 مەديتسينا قىزمەتكەرى، مەديتسينالىق جەدەل جاردەم قىزمەتىنىڭ 2 قىزمەتكەرى، №32-قالالىق ەمحانانىڭ 1 قىزمەتكەرى، №11-قالالىق ەمحانانىڭ 1 قىزمەتكەرى، №1-قالالىق كلينيكالىق اۋرۋحانانىڭ 1 قىزمەتكەرى بار»، - دەدى ول قالاداعى ەپيدەميولوگيالىق احۋال تۋرالى ونلاين- بريفينگتە.

ءدال قازىر ينفەكتسيالىق ستاتسيونارلاردا Covid-19-دان 295 پاتسيەنت ەمدەلىپ جاتىر. ونىڭ ىشىندە 7 ادامنىڭ جاعدايى - اۋىر ، 41 ادامنىڭ (ءبىر ايەل الماتى وبلىسىنان) جاي-كۇيى - ورتاشا اۋىر، 247 ادامنىڭ جاعدايى قاناعاتتانارلىق دارەجەدە. پروۆيزورلىق ورتالىقتاردا 256 ادام بار، ونىڭ ىشىندە - 12 بالا، كارانتيندىك وقشاۋلاۋدا - 366، ۇيدەگى كارانتيندە - 7097 پاتسيەنت بار.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى