تاڭجارىقتىڭ 115 جىلدىعىنا ارنالعان ءمۇشايرانىڭ جەڭىمپازدارى ماراپاتتالدى

 ايگىلى اقىن تاڭجارىق جولدى ۇلىنىڭ 115 جىلدىنا ارناپ «قىزاي انا» قوعامدىق قورى حالىقارالىق «تاڭجارىق زەرتتەۋ» قورىمەن بىرگە «ادەبيەت» پورتالىندا «ايگىلى التى الاشقا جازعان حاتىم» اتتى جىر ءمۇشايراسىن وتكىزگەن بولاتىن. 15- اقپاننان 17 - ناۋرىزعا دەيىن وتكەن ءمۇشايراعا جالپى 48 اقىننىڭ ولەڭى كەلىپ تۇسكەن. اقىن جاركەن بودەش، داۋلەتبەك بايتۇرسىن ۇلى، سەرىك قالي، ادبيەتتانۋشى ءومارالى ادىلبەك ۇلى مەن «قىزاي انا» جانە حالىقارالىق «تاڭجارىق زەرتتەۋ» قورلارىنىڭ اتقارۋشى ديرەكتورلارى، ءتىل ماماندارى ءبازارالى ءارىپ ۇلى مەن تۇرسىنباي ءداۋىت ۇلى قاتارلى قازىلار القاسى 48 اقىننىڭ ىشىنەن 7 اقىننىڭ ولەڭىن جۇلدەگە لايىق دەپ ساناپ تالداپ شىقتى.

 قازىلاردىڭ شەشىمى بويىنشا وستەمىردەگى ناۋرىز مەرەكەسىندە كەلەسى اقىندار: نۇربەك نۇرجان ۇلى مەن قۋانالى الماسبەك ۇلى ارنايى جۇلدەمەن، التىنشاپاق حاۋتاي مەن ارمان ادىلبەك 3- ورىن، الاش ءتۇرسىنالى مەن ەدىلبەك دۇيسەن 2- ورىنمەن، اينۇر تولەۋ ءبىرىنشى ورىنمەن جەڭىمپاز بولىپ، ماراپاتتالدى. جەڭىمپاز اقىنداردى دۇنيەءجۇزى قازاقتارى قاۋىمداستىعىنىڭ مۇشەلەرى دە كەلىپ قۇتتىقتاپ، ارنايى ماقتاۋ قاعازى مەن دۇنيەءجۇزى قازاقتارى قاۋىمداستىعىنىڭ مەدالمەن ماراپاتتادى.

http://adebiportal.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى