الماتىدا تاڭجارىق جولدى ۇلىنىڭ 115 جىلدىعىنا ارنالعان كەش ءوتتى
«ادەبيەتشىلەر ۇيىنە» جينالعان زيالى قاۋىم وكىلدەرى مەن جاستارعا حالىق جازۋشىسى قابدەش ءجۇمادىلوۆ، جازۋشى تۇرسىنالى رىسكەلديەۆ، فيلولوگيا عىلىمدارىنىڭ دوكتورى تەمىرحان تەبەگەنوۆ، «قازاق ادەبيەتى» گازەتىنىڭ باس رەداكتورى جاناربەك ءاشىمجان سياقتى قالامگەرلەر تاڭجارىق جولدى ۇلىنىڭ شىعارماشىلعى مەن كۇرەسكەرلىك عۇمىرىنان سىر شەرتسە، نۇرجان جانپەيىسوۆ، ساۋلەجان تاقزيا قاتارلى انشىلەر اقىننىڭ اندەرىن شىرقاپ، ستۋدەنتتەر ولەڭدەرىن وقىدى.
تاڭجارىق جولدى ۇلى اسەت نايمانباي ۇلى مەن احمەت بايتۇرسىنوۆ، مىرجاقىپ دۋلاتوۆ، ماعجان جۇمابايەۆ سياقتى الاشتىڭ ارداقتىلارىن وزىنە ۇستاز ەتكەنى ايتا كەلە جاۋشى قابدەش جۇمادىلوۆ: «دۋلاتوۆتى بارىنەن دە ءپىر تۇتادى، نە جازعانىنىڭ ءبارىن بىلەدى. ارعى بەتتە جاتىپ، مىنا جاقتا «ويان قازاق» دەپ جاتقان دۋلاتوۆتىڭ ولەڭدەرىن جاتقا بىلەدى. سول دۇمپىۋمەن، قازاقتىڭ كوتەرىلگەن رۋحىمەن بىرگە كوتەرىلگەن كىسى» -، دەپ توقتالىپ، اقىننىڭ 70 جىلدىعىن نارىنقولدا وتكىزۋ بارىسىن ەسكە الدى. سونىمەن بىرگە تاڭجارىق جولدى ۇلى قازاق تۇرمە ادەبيەتىنىڭ نەگىزىن سالۋشى ەكەنىن ايتىپ ءوتتى.
جيىن سوڭىندا قورتىندى ءسوز العان «وتانداس ەل» قوعامدىق بىرلەستىگىنىڭ ءتوراعاسى ءمۇوان مامىتقان ۇلى بۇل تاڭجارىق جولدى ۇلىنىڭ 115 جىلدىعىنا ارنالعان شارالاردىڭ باسى ەكەنىن ايتىپ، «قىزاي انا» قورىنىڭ ۇيىمداستىرۋىمەن «ادەبيەت» پورتالىندا «ايگىلى التى الاشقا جازعان حاتىم» اتتى جىر ءمۇشايراسىنىڭ ءوتىپ جاتقانىن ەسكە سالىپ، 115 جىلدىق مەرەي توي شىلدە، تامىز ايلارىندا الماتى وبلىسى ەڭبەكشى قازاق اۋدانىنىڭ اسى جايلاۋىندا جالعاساتىنىن حابارلادى.
Jebeu.kz
