قاڭتاردا ءال- فارابيدىڭ 1150 جىلدىعى رەسمي اشىلادى

«بىز ءال- فارابيدىڭ 1150 جىلدىق مەرەيتويىن اتاپ ءوتۋ ارقىلى كۇللى تۇركى دۇنيەسىنىڭ كيەلى مەكەنى ۇلى دالادا، كونە قازاق جەرىندە وركەنيەتتىڭ سالتانات قۇرعانىن الەمگە تاراتاتىن بولامىز، تاۋەلسىز ەلىمىزدى، حالقىمىزدى ناسيحاتتايمىز. سوندىقتان مەملەكەت باسشىسىنىڭ تاپسىرماسىنا وراي ءال- فارابي مەرەيتويىن نەگىزىنەن عىلىمي، ينتەللەكتۋالدىق باعىتتا اتاپ ءوتىپ، جىل بويىندا حالىقارالىق، رەسپۋبليكالىق جانە وڭىرلىك اۋقىمدا تاقىرىپتىق ارنايى جوبالار، عىلىمي- اعارتۋشىلىق جانە مادەني- بۇقارالىق ءىس- شارالار وتكىزىلۋى ءتيىس. ولاردىڭ ينتەللەكتۋالدىق دەڭگەيىنە ەرەكشە نازار ءبولىنسىن»، - دەدى ول ءابۋ ناسىر ءال- ءفارابيدىڭ 1150 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا وتىرىسىندا.

ونىڭ ايتۋىنشا، مەرەيتويدى اتاپ ءوتۋدىڭ رەسپۋبليكالىق جوسپارىنىڭ جوباسى ازىرلەنگەن. وندا رەسپۋبليكالىق جانە وڭىرلىك دەڭگەيدە وتەتىن 50-دەن استام ءىس- شارا كوزدەلگەن. ولاردىڭ قاتارىندا حالىقتىق بارلىق بۋىنىن قامتيتىن ارنايى جوبالار، عىلىمي تالداۋ، قوعامدىق ماڭىزدى جانە مادەني- بۇقارالىق ءىس- شارالار بار.

«ءال- فارابيدىڭ 1150 -جىلدىق مەرەيتويىن باستاۋدىڭ رەسمي ءراسىمىن 2020 -جىلدىڭ 10 - قاڭتاردا ءال- فارابي اتىنداعى قازاق ۇلتتىق ۋنيۆەرسيتەتىندەگى «ءال- فارابي» ورتالىعىنىڭ حالىقارالىق تۇساۋكەسەرىمەن قوسا وتكىزۋ ۇسىنىلىپ وتىر»، - دەدى ق. كوشەربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى