ەلىمىزدە ون جىلدا 114 بالالار ءۇيى جابىلدى

«بۇگىنگى تاڭدا رەسپۋبليكادا 23 مىڭعا جۋىق جەتىم جانە اتا- اناسىنىڭ قامقورلىعىنسىز قالعان بالالار بار. ونىڭ تەك 4 مىڭى عانا بالالار ۇيىندە تۇرادى. ونداي مەكەمەلەردىڭ سانى جىلدان- جىلعا ازايىپ كەلەدى. تەك سوڭعى 10 جىلدا جەتىم بالالارعا ارنالعان 114 ۇيىم قىسقاردى»، - دەدى ول ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، بالالار ءۇيىنىڭ قىسقارۋىنا قامقورلىقسىز قالاتىن بالالاردىڭ ازايۋى تۇرتكى بولعان.

«بۇگىندە ەلىمىزدە جەتىم بالالار مەن اتا- اناسىنىڭ قامقورلىعىنسىز قالعان بالالارعا ارنالعان 96 ۇيىم جۇمىس ىستەيدى. سوڭعى 10 جىلدا وسى ۇيىمداردىڭ تاربيەلەنۋشىلەرىنىڭ جانە جالپى جەتىم بالالاردىڭ كونتينگەنتى ەل بويىنشا 10 مىڭعا قىسقاردى. ال سوڭعى 3 جىلدا كونتينگەنت 2 مىڭ بالا تىزىمنەن شىعارىلدى»، - دەپ قورىتىندىلادى يۋليا وۆەچكينا.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى