ەلىمىز الەمنىڭ 113 مەملەكەتىنە 800 دەن استام تاۋار ءتۇرىن ساتادى

 ونىڭ ايتۋىنشا، فەرروقورىتپا، مۇناي ونىمدەرى، مىس، مىرىش سىندى شيكىزاتتاردى ساتۋ كورسەتكىشى وسكەن. بۇگىندە قازاقستان ءىرى ەكسپورتتاۋشى ەلدەردىڭ اراسىندا 52- ورىندى يەلەنىپ وتىر. ەلىمىز الەمنىڭ 113 مەملەكەتىنە 800-دەن استام تاۋار ءتۇرىن ساتادى. ماسەلەن، تۇرىكمەنستان، تاجىكستان مەن ازەربايجانعا ەلەكتروۆوز جانە تەپلوۆوز جونەلتىلسە، قىتاي مەن وزبەكستانعا تەمىر تۇلپارلارىمىز ساۋدالانىپ وتىر. ال تاياۋ شىعىس، كاۆكاز بەن بەلارۋس رەسپۋبليكاسى ەلىمىزدىڭ اككۋمۋلياتورىن ساتىپ الۋعا مۇددەلى.

جەڭىس قاسىمبەك، ق ر ينۆەستيتسيالار جانە دامۋ ءمينيسترى:

-  سوڭعى 5 جىلدا ەكسپورتتىڭ ساپالىق قۇرىلىمى ەداۋىر جاقساردى. شەتەلدەرگە جەتكىزىلەتىن ءونىمنىڭ 3-تەن ءبىر بولىگى ەكونوميكانىڭ شيكىزاتتىق ەمەس سەكتورىنا تيەسىلى. 2017 -جىلدىڭ 9-ايىندا وڭدەلگەن تاۋار ەكسپورتى 22 پايىزعا ءوسىپ، 11 ميلليارد ا ق ش دوللارىنان استى.

وسى سالانى ءارى قاراي دامىتۋ ءۇشىن ۇلتتىق ەكونوميكا مينيسترلىگى شەتەلدىك نارىقتار مەن وتاندىق كاسىپكەرلەردىڭ الەۋەتىن تەرەڭ زەرتتەۋگە كىرىستى. ۆەدومستۆو 40-تان استام تاۋار ءتۇرىن ۇسىنعانىمەن، ءبىزدىڭ بيزنەسمەندەر ونىمدەردىڭ 8 تۇرىنە عانا قىزىعۋشىلىق بىلدىرگەن.

 مينيستر تيمۋر سۇلەيمەنوۆتىڭ پىكىرىنشە، بۇل ىسكەر ازاماتتاردىڭ باسەكەگە قابىلەتتىلىگىنىڭ تومەن بولۋىمەن بايلانىستى.

تيمۋر سۇلەيمەنوۆ، ق ر ۇلتتىق ەكونوميكا ءمينيسترى:

-  ءبىز كاسىپكەرلەرگە قولداۋ كورسەتۋ ءۇشىن ءبىر تەرەزە جۇيەسىن دامىتامىز. زاڭعا 1100 تۇزەتۋ ەنگىزىپ، بيزنەسمەندەرگە كوپتەگەن جەڭىلدىكتەر ۇسىنۋدى كوزدەپ وتىرمىز. كولىكتىك شىعىنداردى ازايتىپ، رۇقسات بەرۋ مەحانيزمىن جاقسارتۋ -  ءبىزدىڭ باستى قاعيدامىز. وسىنىڭ ارقاسىندا بيزنەس ورتاداعى جاعداي رەتتەلەدى دەگەن سەنىم مول. ال اۋىل شارۋاشىلىعى سالاسىندا باسەگە قابىلەتتى كاسىپورىندار از ەمەس. بيىلدىڭ وزىندە ەكسپورتقا جونەلتىلگەن ازىق- تۇلىك قۇنى 1 جارىم ميلليارد دوللاردان استى. ونىڭ 10 پايىزى -  وڭدەلگەن ءونىم. اۋعانستان، اراب امىرلىكتەرى مەن يرانعا ەت ونىمدەرى، ال قىتايعا وسىمدىك مايى مەن بال ساتىلا باستادى.

اۆتورلارى: داريعا تاشەنوۆا، ناۋرىز بازاروۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى