جارتى جىلدا 110 مىڭ. قازاقستاندىقتار دۋبايعا ءجيى ۇشا باستادى
بۇل تۋرالى Kaz.tengritravel.kz ءتىلشىسى Traveldailynews.asia سايتىنا سىلتەمە جاساپ حابارلايدى.
Air Astana قازاقستاندىق اۋەكومپانياسىنىڭ دەرەكتەرىنە سايكەس، 2002 -جىلى قازاقستان مەن دۋباي اراسىندا ساياحاتتايتىن جولاۋشىلار سانى 7000 ادامنان كەم بولعان. ال 2022 -جىلدىڭ ءبىرىنشى جارتىسىندا بۇل كورسەتكىش 101000 ادامنان استى. اۋە جۇكتەرى تۋرالى ايتاتىن بولساق، 2002 -جىلى 54000 كيلوگرامم جۇك بولدى، ال 2022 -جىلدىڭ ءبىرىنشى جارتىسىندا ولاردىڭ سانى 730000 كيلوگرامنان استى.
ايتا كەتەيىك، قازىر ب ا ءا- گە قازاقستاننان 32 رەيس ورىندالىپ جاتىر، ونىڭ 23 ى دۋبايعا. نۇر-سۇلتاننان دۋبايعا توعىز (Air Astana - بەس، Fly Dubai - ءتورت)، ال الماتىدان دۋبايعا - 14 (Air Astana - جەتى، Fly Dubai - جەتى) اۋە رەيسى ورىندالادى.
«ب ا ءا كوپتەگەن ويىن- ساۋىق پەن بيزنەس مۇمكىندىكتەرىن ۇسىنادى، ال دۋباي سوڭعى 20 جىل ىشىندە قازاقستاننان ساياحاتشىلار ءۇشىن وتە تانىمال ورىنعا اينالدى. الماتى مەن نۇر- سۇلتان قالالارىنان جولاۋشىلار اعىنى بەلسەندى تۇردە ءوسىپ كەلەدى جانە ءبىز وسى جىلدىڭ سوڭىندا ەكى قالادان دا پاندەمياعا دەيىنگى جيىلىكتەردى قالپىنا كەلتىرۋدى جوسپارلاپ وتىرمىز»، - دەدى Air Astana اۋەكومپانياسىنىڭ ماركەتينگ جانە ساتۋ جونىندەگى ۆيتسە- پرەزيدەنتى ادەل داۋلەتبەك.
سونداي-اق، ساراپشى 2022 -جىلدىڭ سوڭىنا قاراي رەيستەر جيىلىگى اپتاسىنا 17 رەيسكە جەتەتىنىن، ونىڭ ىشىندە اپتاسىنا ون رەيس الماتىدان جانە جەتەۋى نۇر-سۇلتاننان ۇشاتىنىن حابارلادى.
سونداي- اق الداعى قىسقى ماۋسىمدا دۋبايعا جانە كەرى ۇشاتىن رەيستەر كەستەسى جولاۋشىلارعا ىڭعايلى بولۋى ءۇشىن جاقسارتىلادى. تاڭەرتەڭ الماتى مەن نۇر-سۇلتاننان ۇشىپ، تۇسكى استان كەيىن بىردەن دۋبايدان كەرى ۇشىپ، كەشكە قازاقستانعا كەلەدى.
