قاراعاندىلىق قازاق ازاماتى اۋىلداستارىنا 110 ميلليون تەڭگەنىڭ سپورت كەشەنىن سالىپ بەردى
قايرات كوپبايەۆ ءوز اقشاسىنا تولىققاندى سپورت كەشەنىن سالىپ، اۋىل تۇرعىندارىنىڭ ريزاشىلىعىنا بولەندى دەپ حابارلايدى NUR. KZ پورتالى ekaraganda.kz سايتىنا سىلتەمە جاساپ.
110 ميلليون تەڭگەنى ءوز قالتاسىنان شىعارىپ، سپورت كەشەنىن تۇرعىزعان ازاماتقا كوپشىلىك العىستارىن جاۋدىرۋدا. مەملەكەت تە بۇل باستاماعا قولداۋ كورسەتىپ، تەگىن جەر بولگەن ءارى ينجەنەرلىك جەلىمەن قامتۋدى ءوز موينىنا العان.
ەندى جاڭاارقا اۋدانى تۇگىسكەن اۋىلىندا ناعىز سپورتتىق شارا باستالىپ كەتكەن. جەرگىلىكتى جاستار بارلىق بوس ۋاقىتىن كەشەننىڭ زالدارىندا وتكىزىپ، سپورتتىق جەتىستىكتەرگە جەتۋدى اڭسايدى. ال مەتسەناتتىڭ ءوزى بولسا، وسى سپورت سارايىنان ناعىز وليمپيادا چەمپيونى شىعادى دەپ ۇمىتتەنەدى.
«مەن جاستاردىڭ سالاۋاتتى ءومىر سالتىنا ءوز ۇلەسىمدى قوسامىن دەپ ۇمىتتەنەمىن. ءمۇنى تۇگىسكەن اۋىلىنىڭ تۇرعىندارى ءۇشىن عانا ەمەس، ءوزىم ءۇشىن دە قولعا الدىم. وسىلايشا ەل الدىڭداعى ءوز ازاماتتىق بورىشىمدى وتەگىم كەلدى»، - دەيدى قايرات كوپبايەۆ.
