يتاليانىڭ جاعالاۋداعى كۇزەتى 1100 دەن استام ميگرانتتى قۇتقارىپ قالدى
بۇل تۋرالى يتاليانىڭ جاعالاۋداعى كۇزەتىنىڭ سەيسەنبى كۇنى جاساعان مالىمدەمەسىنە سىلتەمە جاساعان ەۋروپا ب ا ق- تارى حابارلاپ وتىر.
تاۋلىك ىشىندە جاعالاۋداعى كۇزەت قىزمەتىنىڭ اسا اۋقىمدى وپەراتسياسى وتكىزىلگەنى اتاپ وتىلەدى. ول جەرورتا تەڭىزىن ءتورت ۇرمەلى قايىقپەن وتپەك بولعان 441 ادامدى ءوز بورتىنا الدى.
بۇدان باسقا، «Dignity One» كەمەسىنە مىنگەن «شەكاراسىز دارىگەرلەر» ۇيىمى 373 ميگرانتتىڭ ءومىرىن ساقتاپ قالدى. ولاردىڭ اراسىندا 62 ايەل مەن 10 بالا بولعان.
ەسكە سالا كەتەيىك، الداعى ۋاقىتتا ەۋرووداق جەرورتا تەڭىزىندە زاڭسىز ميگرانتتاردى تاسىمالداۋشىلارمەن كۇرەستى كۇشەيتۋدى جوسپارلاپ وتىر. دۇيسەنبى كۇنى ەۋرو وداق ساياسات جانە قاۋىپسىزدىك بويىنشا كوميتەتى 7 -قازان كۇنى ە و- تىڭ «سوفيا» (EUNAVFOR مەd) اسكەري- تەڭىزدىك ءىس- قيمىلدارىنىڭ ەكىنشى كەزەڭىن ىسكە قوسۋ تۋرالى شەشىمىن بەكىتتى. ەندى ءىس- قيمىلدارعا قاتىسىپ وتىرعان ارنايى جاساقتار كونترابانداشىلاردىڭ كەمەلەرىن تۇگەل تەكسەرە الاتىن بولادى.
