11 جاستاعى قىز بالالارعا جاتىر موينى وبىرىنا قارسى ۆاكسينا تەگىن سالىنادى
الماتى. KAZINFORM - قازاقستاندا قىركۇيەكتەن باستاپ 11 جاستاعى قىزدارعا جاتىر موينى وبىرىنا قارسى ۆاكسينا سالىنادى.
الماتى قالالىق دەنساۋلىق ساقتاۋ باسقارماسى اتاپ وتكەندەي، قازاقستاندا 11 جاسار قىزدارعا ادام پاپيللوماۆيرۋسىنا قارسى ۆاكسينا ەگۋ قولعا الىنباقشى. ۆاكسينانى اتا-انانىڭ جازباشا كەلىسىمىمەن جاڭا وقۋ جىلىنىڭ باسىندا، ياعني 2024- جىلدىڭ كۇزىندە تەگىن سالىنادى.
«جاتىر موينى وبىرىنىڭ %97 وسى ۆيرۋسپەن بايلانىستى. سوزىلمالى ۆيرۋس تاسىمالداۋ بەلگىلى ءبىر جاعدايدا جاتىر موينى وبىرىنىڭ دامۋىنا اكەلۋى مۇمكىن»، - دەپ حابارلادى باسقارمادان.
الماتى ونكولوگيالىق ورتالىعىنىڭ ءبولىم مەڭگەرۋشىسى رايحان بولاتبەكوۆا جاتىر موينى وبىرى بىردەن-ءبىر تولىق الدىن الۋعا بولاتىن ىسىك ەكەنىن اتاپ ءوتتى.
«جاپپاي ەكپە الاتىن تۇرعىنداردىڭ نەگىزگى بولىگى - 9-13 جاس ارالىعىنداعى جاس ءوسپىرىم قىزدار. بۇل كەزەڭ قىزداردى جىنىستىق بەلسەندىلىكتىڭ باستالۋىنا دەيىن جاپپاي ەگۋ ماقساتىندا تاڭدالدى. ەڭ دۇرىسى، ايەل جىنىستىق بەلسەندىلىككە كىرىسپەس بۇرىن ۆاكسينانى الۋى كەرەك. دۇنيەجۇزىلىك دەنساۋلىق ساقتاۋ ۇيىمى ۆاكسينانى 26 جاسقا دەيىن الۋدى ۇسىنىپ وتىر. ادام پاپيللوماۆيرۋسىنا قارسى ۆاكسينا جاتىر موينى وبىرىنىڭ الدىن الادى»، - دەيدى مامان.
ونكولوگتىڭ سوزىنشە، بىلتىر مەگاپوليستە جاتىر موينى وبىرىنا 223 تۇرعىن شالدىققان. الماتى ونكولوگيالىق ورتالىعىندا بارلىعى 2522 ايەل وسى دياگنوزبەن ەسەپتە تۇر.
