تۇركىستان وبلىسىندا 11 جاستاعى بالا كارىز قۇدىعىنا ءتۇسىپ كەتكەن 2 جاسار بالانى قۇتقارىپ قالدى
بۇگىن بۇل تۋرالى تۇركىستان وبلىسى وڭىرلىك كوممۋنيكاتسيالار قىزمەتىندە وبلىستىق توتەنشە جاعدايلار دەپارتامەنتىنىڭ باستىعى نۇرعالي ءجۇنىسوۆ مالىمدەدى، دەپ حابارلايدى قازاقپارات ءتىلشىسى.
نۇرعالي ءجۇنىسوۆتىڭ ايتۋىنشا، سابىرجان ەسىمدى ءبۇلدىرشىن جەكە ءۇيدىڭ كارىز جۇيەسىنىڭ شۇڭقىرىنا ءتۇسىپ كەتكەن بولاتىن.
«2019 -جىلدىڭ 2 -ءساۋىر كۇنى ساعات 19:40 شاماسىندا ويناپ جۇرگەن بالالار №57 -تۇرعىن ءۇيدىڭ سىرتىندا ورنالاسقان جەكە ءۇيدىڭ كارىز جۇيەسىنىڭ شۇڭقىرىنا كىشكەنتاي ءبۇلدىرشىننىڭ قۇلاپ تۇسكەنىن بايقاپ قالعان. ارتىنشا جۇگىرىپ كەلگەن بالالارعا قۇدىقتىڭ ىشىندەگى 1 مەتردەن اسا لاس سۋدان كىشكەنتاي ءبۇلدىرشىن سۋعا باتىپ كەتكەن. وسى مەزەتتە 2008 -جىلى تۋعان 5-سىنىپ وقۋشىسى بەكنازار مەيرامبەك ەش ويلانباستان، دەرەۋ قۇدىقتىڭ ىشىنە تۇسەدى. لاس سۋ مويىن تۇسىنا كەلگەنىنە قاراماستان، سۋعا تۇنشىعىپ جاتقان 2017 -جىلى تۋعان 2 جاسار باقىتبەك سابىرجاندى كوتەرىپ الىپ، شۇڭقىردان شىعارعان»، - دەدى دەپارتامەنت باستىعى.
ارتىنشا 2 جاسار اۋرۋحاناعا جەتكىزىلىپ، ەم قابىلداعان. قازىرگى تاڭدا ونىڭ دەنساۋلىعىن دارىگەرلەر قالىپتى دەپ وتىر. ال، مەكتەپ وقۋشىسى بەكنازار مەيرامبەك ءوزىنىڭ باتىلدىعى مەن قايسارلىعىن كورسەتىپ، جاس ءبۇلدىرشىننىڭ ءومىرىن ساقتاپ قالدى. وسى كوزسىز ەرلىگى ءۇشىن ول توتەنشە جاعدايلار دەپارتامەنتىنىڭ ارنايى گراموتاماسىمەن جانە سىيلىقپەن ماراپاتتالدى.
