قىتايدا وقىپ جاتقان قازاقستاندىق ستۋدەنتتەر سانى 11 مىڭ 200 ادام
بۇل تۋرالى قازاقستاننىڭ ق ح ر- داعى ەلشىسى نۇرلان ەرمەكبايەۆ قازاقستاندىق ستۋدەنتتەرمەن كەزدەسۋ كەزىندە ايتتى.
«بۇگىندە قازاقستاننان تىس ەلدەردە 50 مىڭنان استام قازاقستاندىق ستۋدەنت ءبىلىم الۋدا. ال ونىڭ ىشىندە 11 مىڭ 200 ادام ق ح ر-دا (بەيجىڭدە - 4 مىڭعا جۋىق، ۇرىمجىدە - 1250، شاڭحايدا - 800، شياندا - 700، گۋاڭجوۋدا - 500، ۋحاندا - 400، نانجيڭ، لانجوۋ، حاربيندەن - 150 ادامنان، شيڭداودا 100 گە جۋىق، قۇلجادا - 150، شيحىزيدە - 100 گە تامان، شيامىندە - 25 ادام) ءبىلىمىن جەتىلدىرۋدە. بۇل كورسەتكىش ويىنشا قىتاي رەسەيدەن كەيىن ەكىنشى ورىندا تۇر. رەسەي جەرىندە ءبىزدىڭ 28 مىڭ ادام وقيدى»، - دەدى ول.
ن. ەرمەكبايەۆتىڭ سوزىنە قاراعاندا، ۇلى بريتانيادا 4 مىڭعا جۋىق قازاقستاندىق ستۋدەنت، ا ق ش پەن چەحيادا - 1 مىڭنان، مالايزيادا - 2 مىڭعا جۋىق، ب ا ءا - دە 715، تۇركيادا - 783، پولشادا 300 ستۋدەنت وقىپ جاتىر.
«سوڭعى 10 جىلدا قىتاي جوعارعى وقۋ ورىندارىن 2 مىڭعا جۋىق قازاقستان ازاماتى ءبىتىرىپ شىققان. قازىر ولاردىڭ سانى وسۋدە، 2003 - جىلى ق ح ر وقۋ ورنىن 8 تۇلەك ءبىتىرىپ شىقسا، ال 2013 -جىلى 700 ى ءتامامداعان»، - دەپ ايتا كەتتى ەلشى.
