تۇركىستاندا باسقارما باسشىسىنىڭ ورىنباسارى 10 ميلليون تەڭگە پارا الدى دەگەن كۇدىككە ءىلىندى
سىبايلاس جەمقورلىققا قارسى ءىس- قيمىل اگەنتتىگىنىڭ مالىمەتىنشە، تۇركىستان وبلىسى بويىنشا سىبايلاس جەمقورلىققا قارسى قىزمەت «بيزنەسكە جول» جوباسىن ىسكە اسىرۋ اياسىندا سيفرلاندىرۋ، مەملەكەتتىك قىزمەتتەر كورسەتۋ جانە مۇراعاتتار باسقارماسى باسشىسى ورىنباسارىنىڭ مىندەتىن اتقارۋشىعا قاتىستى سوتقا دەيىنگى تەرگەۋ جۇرگىزىپ جاتىر. ول مەملەكەتتىك ورگانداردى اقپاراتتاندىرۋ جانە سيفرلاندىرۋ قىزمەتتەرىن كورسەتۋگە، ورىندالعان جۇمىستار اكتىلەرىنە كەدەرگىسىز قول قويۋ بويىنشا مەملەكەتتىك ساتىپ الۋ تۋرالى شارتتى جاساسقانى ءۇشىن 10 ميلليون تەڭگە سوماسىندا پارا الدى دەگەن كۇدىككە ءىلىندى.
شارتتىڭ جالپى سوماسى - 280 ميلليون تەڭگە. تەرگەۋ سوتىنىڭ سانكسياسىمەن كۇدىكتى قاماۋعا الىندى. سوتقا دەيىنگى تەرگەپ- تەكسەرۋ جالعاسىپ جاتىر.
قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
