اسفالت زاۋىتىندا ءورت شىعىپ، 10 توننا بيتۋم جانىپ كەتتى - اباي وبلىسى
اباي وبلىسى توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 3-شىلدە كۇنى «101» پۋلتىنە اقسۋات اۋدانى شىبىندى اۋىلىندا ورنالاسقان اسفالت زاۋىتىندا ءورت شىققانى جايلى حابار ءتۇستى. وقيعا ورنىنا ءورت سوندىرۋشىلەر شۇعىل كەلىپ جەتتى.
«قۇتقارۋشىلار سول جەرگە كەلگەندە زاۋىت اۋماعىندا بيتۋمدى 3 بوشكە ورتەنىپ جاتتى. وتپەن كۇرەسكەن ءورت سوندىرۋشىلەر جارتى ساعات ىشىندە اۋىزدىقتادى. ابىروي بولعاندا، زارداپ شەككەن ەشكىم جوق»، - دەلىنگەن اقپاراتتا.
ءورتتىڭ ناقتى نەدەن شىققانى ازىرگە بەلگىسىز. تەكسەرۋ جۇمىستارى باستالدى. بەلگىلى بولعانداي، ءورت سالدارىنان 10 توننا بيتۋم جانىپ كەتكەن.
