شىعىس قازاقستان تۇرعىندارى ءۇشىن جارىق باعاسى 10 پايىزعا قىمباتتايدى

ءوڭىر حالقىن جارىقپەن قامتاماسىز ەتىپ وتىرعان «شىعىسەنەرگوترەيد» ج ش س شىعىس قازاقستان وبلىستىق تابيعي مونوپوليالاردى رەتتەۋ دەپارتامەنتىنە ەلەكتر ەنەرگياسىنىڭ شەكتى باعاسىنىڭ كوتەرىلۋى تۋرالى حابارلاعان.

«ەنەرگيا ءوندىرۋشى ۇيىمداردىڭ ەلەكتر ەنەرگياسىن ساتۋ باعاسى 1-ماۋسىمنان باستاپ %33 عا دەيىن ءوستى. تالداۋ جۇرگىزۋ بارىسىندا ەلەكتر ەنەرگياسىنىڭ ورتاشا ساتۋ باعاسى ءبىر كۆت/ساع ءۇشىن اعىمداعى شەكتى باعا 21,042 تەڭگەدەن %12 عا ارتىپ، 23,595 تەڭگەنى قۇراعانى بەلگىلى بولدى. سوعان بايلانىستى شىلدە ايىنان باستاپ تۇرمىستىق تۇتىنۋشىلار ءۇشىن تاريف ءوسىمى - %10، الەۋمەتتىك ماڭىزى بار ءونىم وندىرۋشىلەر ءۇشىن - %12، بيۋدجەتتىك ۇيىمدار جانە زاڭدى تۇلعالار ءۇشىن - %18- دى قۇرايدى»، - دەيدى دەپارتامەنت باسشىسى ارمان مالىك.

ەسكە سالساق، وسىعان دەيىن وسكەمەندە جىلۋ مەن سۋ باعاسى قىمباتتايتىنى حابارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى