كاتونقاراعايداعى ورمان ءورتى: تىكۇشاقپەن 10 رەت سۋ توگىلدى، جۇمىستار جالعاسۋدا

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەلدى مەكەندەرگە ەشقانداي ءقاۋىپ ءتونىپ تۇرعان جوق. ءتىلسىز جاۋدىڭ جالپى اۋدانى انىقتالۋدا.

«جەتۋى قيىن تاۋلى جەردە ءشوپ پەن بۇتا ورتەنۋدە. سول جەرگە ءورت سوندىرۋشىلەردىڭ، ورمانشىلاردىڭ، جەرگىلىكتى اتقارۋشى ورگانداردىڭ جانە «قازاۆياورمانقورعاۋ» مەكەمەسىنىڭ جەكە قۇرامىنان 123 ادام، 3 تەحنيكا جۇمىلدىرىلعان. ش ق و اكىمدىگىنىڭ اۆياتسيا بولىمشەسىنىڭ 2 تىكۇشاعى دا تارتىلدى. تىكۇشاقتارمەن بارلىعى 10 رەت سۋ توگىلدى. بەلسەندى جانۋ وشاقتارى جوق. كەي جەرلەردە جەكەلەگەن تۇتىندەر بايقالادى. ول جەرلەردە دە جۇمىستار جۇرگىزىلىپ جاتىر. ءورتتىڭ تارالۋىنا جول بەرىلگەن جوق»، - دەلىنگەن اقپاراتتا.

وقيعا ورنىندا ش ق و اكىمىنىڭ ورىنباسارى ەرجان نۇربايەۆ ءجۇر. وبلىس اكىمى ەرمەك كوشەربايەۆ قازىر ريددەر قالاسىنان 80 شاقىرىم جەردە تۇتانعان ورتپەن كۇرەس جۇمىستارىن باقىلاۋدا. ونداعى ءورت وقشاۋلانعان.

شىعىس قازاقستان وبلىسىنىڭ كاتونقاراعاي اۋدانىندا ورمان ورتەنىپ جاتقانىن بۇعان دەيىن حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى