گانديدىڭ 10 تۇجىرىمى
ول ءومىر بويى «بەيبىتشىلىك» فيلوسوفياسىن ۋاعىزداپ، تالاي ءدىني، ۇلتارالىق داۋ-جاڭجالداردىڭ شەشىمىن تابۋىنا ىقپال ەتكەن. «جالعىز ادام الەمدى وزگەرتە المايدى» دەسەك تە، ماحاتما گانديدىڭ ومىرلىك باستى 10 ۇستانىمى ءالى كۇنگە ومىرشەڭدىگىن جوعالتقان جوق.
1. وزگەرىستەر
«وسى الەمدە كورگىڭ كەلەتىن وزگەرىستى ءوز باسىڭنان باستا!»
«ادام رەتىندە ءبىزدىڭ ۇلىلىعىمىز الەمدى وزگەرتۋ ەمەس، ەڭ الدىمەن ءوزىمىزدى وزگەرەتە بىلۋدە. العاشقىسى اتوم عاسىرىنا ءتان جالعان دۇنيە».
2. قاداعالاۋ
«سەنىڭ رۇحساتىڭسىز ەشكىم دە سەنى رەنجىتە المايدى. ءوز سەزىمدەرىڭدى قاداعالاي ءبىل!»
3. كەشىرىمدى بولۋ
«ءالسىز ەشقاشان دا كەشىرمەيدى. كەشىرە ءبىلۋ تەك مىقتىعا ءتان قاسيەت».
«ادام جانعا - جان، قانعا - قان دەپ ءجۇرىپ ادامگەرشىلىكتەن ايىرىلادى. وزگەلەردىڭ قاتەلىكتەرىنە كەشىرىممەن قاراي ءبىل!»
4. ارەكەتتەنۋ
«از عانا تاجىريبەنىڭ پايداسى، ايتىلعان 100 تەوريادان ارتىق».
5. قازىرگى شاق
«مەن كەلەشەكتى جورامالدامايمىن. سەبەبى، بار كوڭىلىم وسى قازىرگى ساتكە باعىتتالعان. الدا نە بولاتىنىن تەك جاراتقان يە بىلەدى».
6. پەندەشىلىك
«پەندە رەتىندە مەن دە تالاي قاتەلىكتەر جاسادىم. ءبىراق، مەندە ولاردى مويىنداۋعا باتىلدىق جەتەدى. سوندىقتان مەن ولاردى وزگەرتە الامىن».
«كۇشى كوپ تە السىزدىك تانىتادى، اقىلدى دا قاتەلەسەدى».
7. تاباندىلىق
«الدىمەن «ولار» سەنى ەلەمەيدى، سوسىن سەن جايلى ارتىنان ءسوز ايتادى، سەنىمەن ۇرىسادى، كەرىسەدى. سوڭىندا سەن ولاردى جەڭىپ شىقتىڭ».
بۇل ويلاردان شىعاتىن ءتۇيىن: الدىڭدا قانداي قيىن كۇندەر تۋىپ، ءتىپتى سول كەزدە سەن جالعىز بولساڭ دا ءوز دەگەنىڭنەن تايما. ەشكىممەن ۇرىسۋدىڭ، نە اركىمگە ءوز دەگەنىڭدى دالەلدەۋمەن ۋاقىتىڭدى جويما. تاباندىلىق تانىتىپ العا قويعان ماقساتىڭا جەت. سوندا سەن جەڭىمپاز اتاناسىڭ.
8. مەيىرىمدىلىك
«مەن ادامداردىڭ بويىنداعى تەك قانا جاقسى قاسيەتتەرگە نازار اۋدارامىن. ءوزىم كەرەمەت بولماي تۇرىپ، باسقالاردىڭ قاتەلىكتەرىن ەلەۋ دۇرىس ەمەس».
9. شىنايىلىق
«ويىڭداعىڭ، ايتاتىنىڭ جانە اتقاراتىن ءىسىڭ ءبىر ارنادان شىعىپ، ءوزارا ۇيلەسىمدىلىكتە بولسا، باقىت دەپ سونى ايت!»
«ءار ۋاقىت سوزدەرىڭ مەن تىرلىكتەرىڭنىڭ بارىنشا سايكەس بولۋىنا ۇمتىلىڭدار!»
«قاجەتسىز ويلاردان ارىلا بىلىڭدەر. وي تازالىعىن ساقتاڭدار، بۇل جان تازالىعىنا جەتەلەيتىن بىردەن-ءبىر باستى جول».
10. دامۋ
«قاتەلەسپەيتىن پەندە بولمايدى. ادام ءومىر بويى ءتۇزۋ جولمەن جۇرە المايدى.سوندىقتان دا قاتىپ قالعان قاساڭ قاعيدالارمەن ءومىر ءسۇرىپ ۇيرەنبەڭدەر. سەبەبى ءومىر دامىپ، وزگەرىپ تۇرادى. سوعان لايىق دەر كەزىندە سەندەر دە وزگەرۋگە دايىن بولعاندارىڭ ءجون».
ازىرلەگەن اقتولىس سپابەك قىزى
مالىمەتتەر www.paulocoelhoblog.com سايتىنان الىندى
