پاۆلودار تۇرعىنى كولىگىن 10 جىلدان كەيىن زاڭداستىردى
37 جاستاعى ايەل MINI Cooper كولىگىن ا ق ش-تا ساتىپ العان.
- مەن اۆتوكولىكتى زاڭداستىرۋ قىزمەتىن العاشقىلاردىڭ ءبىرى بولىپ پايدالاندىم. مەنىڭ كولىگىم ا ق ش-تان، قازاقستانعا سوناۋ 2012 -جىلى اكەلىنگەن. سول كەزدە قولدانىستا بولعان %30 كەدەندىك باج سالىعى تولىعىمەن تولەندى. مەن كولىكتى بىردەن تىركەمەدىم، ويتكەنى شەتەلگە شىعۋدى جوسپارلادىم. بىرنەشە جىل بويى ەلدە بولمادىم. سول ارالىقتا قايتا وڭدەۋ اقىسى مەن باستاپقى تىركەۋ ءۇشىن جاڭا تولەمدەر ەنگىزىلگەن. كولىك قايتا وڭدەۋ تولەمى ەنگىزىلگەنگە دەيىن اكەلىنگەندىكتەن ونى تولەۋدىڭ قاجەتى بولمادى، ءبىراق باستاپقى تىركەۋ ءۇشىن 500 ا ە ك كولەمىندە الىم تولەۋ قاجەت بولدى. سوما از ەمەس. سوندىقتان مەنىڭ كولىگىم گاراجدا تۇرا بەردى. پرەزيدەنت اۆتوكولىكتەردى زاڭداستىرۋ جانە ونى وتكىزۋ شارتتارى تۋرالى جاريالاعان كەزدە قۋانىپ قالدىم! 23-قاڭتاردا ەلەكتروندىق ۇكىمەت پورتالى ارقىلى ونلاين ءوتىنىم بەردىم. جاۋاپ 3-4 مينۋت ىشىندە كەلدى. كريميناليستەر كورپۋستىڭ جانە باسقا اگرەگاتتاردىڭ نومىرلەرىن، سونداي-اق بارلىق قۇجاتتاردى سالىستىرىپ تەكسەردى. ءوتىنىم ماقۇلداندى. كەيىنىرەك قۇجاتتاردى تاپسىردىم. 10 مينۋتتان كەيىن قۇجاتتاردىڭ دايىندىعى تۋرالى حابارلاما الدىم. 10 جىلدان كەيىن مەن ءوز كولىگىمدى ەسەپكە الىپ، ءارى وتباسى بيۋدجەتىن ۇنەمدەي الدىم. بارلىعىنا ۇلكەن راقمەت!»، - دەدى ول.
پوليتسەيلەر قازاقستان ازاماتتارى اكەلگەن شەتەلدىك ەسەپتەگى جەڭىل اۆتوكولىكتەر، شاعىن جانە ورتا اۆتوبۋستار، شاعىن جۇك كولىكتەرى، باسقارۋ ورگاندارى وڭ جاقتا ورنالاسقان كولىك قۇرالدارى زاڭداستىرۋعا جاتاتىنىن ەسكە سالدى.
پروتسەسس 2023 -جىلدىڭ 1-شىلدەسىنە دەيىن جالعاسادى.
