لوس- اندجەلەستە 10 ادامدى ولتىرگەن كۇدىكتى ءوزىن اتىپ تاستادى
كاليفورنيانىڭ مونتەرەي- پارك قالاسىنداعى كاسىپورىنداردىڭ بىرىندە اتىس بولىپ، ون ادام قازا تاپتى. بۇل قىلمىسقا كۇدىكتى وقيعا ورنىنان قاشىپ، كوپ ۇزاماي ءوزىن- ءوزى اتىپ ءولتىردى.
لوس- اندجەلەس وكرۋگىنىڭ شەريفى روبەرت لۋنا جۋرناليستەرگە جۇك كولىگى قورشاۋعا الىنعان كەزدە پوليتسيا وق اتىلعانىن ەستىگەنىن ايتتى. ءبىر جارىم ساعاتتان كەيىن ولار كولىككە كىرىپ، كۇدىكتىنىڭ دەنەسىن تاپتى.
پوليتسيا ءوزىن- ءوزى اتىپ ولتىرگەن كۇدىكتىنىڭ 72 جاستاعى ازيالىق، جەرگىلىكتى تۇرعىن حۋ تسان تران ەكەنىن انىقتادى. لوس- اندجەلەس قىتاي ساۋدا پالاتاسىنىڭ باسشىسى چەستەر چون جەرگىلىكتى تەلەارنانىڭ ەفيرىندە جاپپاي ادامدار قىرىلعان بۇل وقيعاعا كۇدىكتى مەن ونىڭ ايەلى اراسىنداعى جانجال تۇرتكى بولعانىن ايتتى.
قازا تاپقان ون ادامنان بولەك، تاعى ون ادام جارالانعان. ولاردىڭ جەتەۋى جەكسەنبى كۇنى كەشكە اۋرۋحاناعا جاتقىزىلدى.
وسىعان دەيىن لوس- اندجەلەستە قىتاي جاڭا جىلىن مەرەكەلەۋ كەزىندە اتىس بولعانى تۋرالى جازعان ەدىك.
فوتو: EPA
اۆتور
سماعۇلوۆا ەركەجان
