مەملەكەتتىك رامىزدەردى قورلاعاندار 10 ميلليون تەڭگە ايىپپۇل تولەيدى

بۇل تۋرالى مادەنيەت جانە سپورت ۆيتسە- ءمينيسترى نۇرعيسا داۋەشوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسىنا سايكەس، قازاقستان رەسپۋبليكاسىنىڭ قىلمىستىق كودەكسىنىڭ «مەملەكەتتىك رامىزدەردى قورلاۋ» 372-بابىنا وزگەرىستەر مەن تولىقتىرۋلار ەنگىزىلدى. ناتيجەسىندە، مەملەكەتتىك رامىزدەردى قورلاۋ دەرەگى ءۇشىن ايىپپۇل 3 مىڭ ا ە ك دەيىن ۇلعايتىلدى جانە قوعامدىق جۇمىستارعا تارتۋدىڭ مەرزىمى 900 ساعاتقا دەيىن ارتتىرىلدى»، - دەدى نۇرعيسا داۋەشوۆ مينيسترلىكتىڭ القا ماجىلىسىندە.

سونىمەن قاتار ول 2022 -جىلى مەملەكەتتىك رامىزدەرىمىزدىڭ 30 جىلدىق مەرەيتويى اتاپ وتىلگەنىن ەسكە سالدى.

بىلتىر جالپى رەسپۋبليكا بويىنشا 5 مىڭنان اسا ءتۇرلى فورماتتاعى ءىس- شارا وتكىزىلدى. 4 -ماۋسىم كۇنى بۇكىل رەسپۋبليكا بويىنشا ءبىر ۋاقىتتا ساعات 10.00-دە مەملەكەتتىك گيمن ورىندالدى. استانا قالاسىنداعى «اتامەكەن» ەتنومەموريالدىق ساياباعىنداعى ەڭ بيىك تۋ تۇعىردا مەملەكەت باسشىسىنىڭ قاتىسۋىمەن مەملەكەتتىك تۋ كوتەرۋ ءراسىمى ۇيىمداستىرىلدى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى