وسكەمەندە 10 عا جۋىق زيراتتى بۇلدىرگەن ەر ادام ۇستالدى
قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، زيرات توناۋمەن اينالىسقان 25 جاستاعى جىگىت ۇستالدى. تەكسەرۋ بارىسىندا ەر ادامنىڭ كولىگىنەن تەمىر قورشاۋلاردىڭ سىنىقتارى تابىلدى.
«پوليتسيا قىزمەتكەرلەرى جەدەل- ىزدەستىرۋ ءىس- شارالارىن جۇرگىزىپ، ۋشانوۆسكي زيراتىنا جاقىن جەردە «حوندا» ماركالى اۆتوكولىكتى توقتاتتى. كولىكتەن ءۇش مەتالل قورشاۋ انىقتالىپ، كۇدىكتىگە قاتىستى تەرگەۋ امالدارى قولعا الىندى»، - دەلىنگەن اقپاراتتا.
الدىن الا مالىمەت بويىنشا قالا تۇرعىنىنىڭ زيراتتاعى تاعى سەگىز ۇرلىققا قاتىسى بار. قازىرگى ۋاقىتتا تەرگەۋ جالعاسۋدا. ءبىرقاتار ساراپتاما تاعايىندالعان.
اۆتور
تالعاتجان مۇحامەتبەك ۇلى
