الماتىدا العاش رەت قوعامدىق كولىك جۇرگىزۋشىلەرىنە ارنالعان 10 اۆتوستانتسيا سالىنباق

بۇل تۋرالى ەربولات دوسايەۆ مەدەۋ اۋدانى تۇرعىندارىمەن كەزدەسۋ بارىسىندا ءمالىم ەتتى، دەپ حابارلايدى قازاقپارات ءتىلشىسى.

«الداعى جىلى ءبىز العاش رەت قوعامدىق كولىك جۇرگىزۋشىلەرىنە ارنالعان 10 اۆتوستانسيا سالامىز. ولاردى تولىققاندى اۆتوستانتسيا دەۋگە كەلمەيتىن شىعار، الايدا ءبىز ەڭ قۇرىعاندا كوفە-ءشاي ءىشىپ، دارەت الۋعا مۇمكىندىك جاسايمىز. جوبا دايىندالىپ جاتىر، وعان قاجەتتى قاراجاتتى ءبىز بيىلعى جىلدىڭ بيۋدجەتىنەن قاراستىردىق. ەگەر ءماسليححات قولداسا 2023 -جىلى العاشقى 10 دەمالىس ورنىن سايلايمىز»، - دەدى ەربولات دوسايەۆ.

سونداي-اق ول الداعى ۋاقىتتا قالانى تۇگەلدەي قامتۋ ءۇشىن جىل سايىن وسىنداي 10 اۆتوستانتسيا اشۋ جوسپارلانىپ وتىرعانىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى