پايىز سۋبسيدياسى 10 جىلعا عانا تولەنەدى

مىسالى، اتالعان باعدارلاما بويىنشا 20 جىلعا 20 پايىزدىق يپوتەكا الساڭىز، نەسيەنى العاشقى 10 جىل بويىنا 12 پايىزبەن، ال قالعان 10 جىلىندا 20 پايىزبەن تولەۋ كەرەك بولادى، دەپ حابارلايدى قازاقپارات ءتىلشىسى.

ۆيتسە-مينيستر قازاقپارات ساۋالىنا جولداعان جاۋابىندا اتالعان جوبا اياسىندا يپوتەكانى كرەديتتەۋ مەرزىمى – 240 ايعا دەيىن (20 جىل) ەكەنىن ايتقان. الايدا نەسيەنىڭ پايىزدىق مولشەرلەمەسىن ءىشىنارا سۋبسيديالاۋدىڭ ەڭ ۇزاق مەرزىمى 10 جىلدان اسپاۋى كەرەك.

«ياعني، نەسيە الۋشى يپوتەكانى 19 جىلعا راسىمدەگەن جاعدايدا كۆازيمەملەكەتتىك سەكتور سۋبەكتىلەرى ارقىلى پايىزدىق مولشەرلەمەنىڭ ءبىر بولىگىن سۋبسيديالاۋ 10 جىلعا راسىمدەلىپ، قالعان ۋاقىتىن نەسيە الۋشى يپوتەكا بويىنشا تولىق پايىزبەن تولەيتىن بولادى.

كۆازيمەملەكەتتىك سەكتور سۋبەكتىلەرى ارقىلى پايىزدىق مولشەرلەمەنىڭ ءبىر بولىگىن سۋبسيديالاۋ اياقتالعان سوڭ (10 جىلدان سوڭ)، قارىز الۋشى ەكىنشى دەڭگەيلى بانكتەردىڭ ءوز باعدارلامالارى بويىنشا قارىز الۋشىنىڭ يپوتەكالىق تۇرعىن ءۇي قارىزىن قايتا قارجىلاندىرۋىنا جول بەرىلەدى. قارىز الۋشى ە د ب- عا نەسيەنى قايتا قارجىلاندىرۋ تۋرالى ءوتىنىش بەرگەن جاعدايدا، ونىڭ ءوتىنىشى ە د ب- نىڭ ىشكى راسىمدەرىنە سايكەس قارالاتىن بولادى»، - دەپ جازادى ەركەبۇلان داۋىلبايەۆ.

ەسكە سالا كەتەيىك، مينيسترلىك جاڭا يپوتەكالىق باعدارلامانىڭ شارتتارىن «اشىق ن ق ا» پورتالىندا جاريالاپ، كوپشىلىك تالقىسىنا ۇسىنعان بولاتىن.

ۆيتسە-ءمينيستردىڭ مالىمەتى بويىنشا، بۇيرىق جوباسى بۇگىندە ۇلتتىق ەكونوميكا جانە قارجى مينيسترلىكتەرىنىڭ كەلىسىمىن الماعان.

«الداعى ۋاقىتتا جوعارىدا اتاپ وتكەن مينيسترلىكتەر كەلىسىمىن بەرگەن جاعدايدا، بۇيرىق جوباسى ادىلەت مينيسترلىگىنەن تىركەۋدەن ءوتىپ، قازاقستان رەسپۋبليكاسى قارجى مينيسترلىگىنىڭ قارجىلاندىرۋىنان سوڭ وتىنىشتەر ازاماتتاردان قابىلداناتىن بولادى»، - دەيدى ءمينيستردىڭ ورىنباسارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى