قازاقستان تۋماسى 10 جىل دايىندىقتان كەيىن عارىشقا ۇشادى

بايقوڭىرعا كەلگەن ەكىنشى كۇنى ح ع س-68 نەگىزگى جانە رەزەرۆ ەكيپاجدارى الداعى ۇشىرىلىمعا قاتىساتىن ەلدەردىڭ تۋىن كوتەرۋدىڭ ءداستۇرلى راسىمىنە قاتىستى. 2022 -جىلدىڭ 7 -قىركۇيەگىندە نەگىزگى ەكيپاج مۇشەلەرى - رەسەيلىك عارىشكەرلەر سەرگەي پروكوپيەۆ، دميتري پەتەلين جانە NASA استروناۆتى فرەنك رۋبيو، سونداي-اق ولاردىڭ دۋبلەرلارى - روسكوسموس عارىشكەرلەرى ولەگ كونونەنكو، نيكولاي چۋب جانە NASA استروناۆتى لورال و'حارا عارىش ايلاعىندا ءبىرىنشى رەت جاتتىقتى.

ولار «سوكول- ك ۆ 2» قۇتقارۋ سكافاندرلارىن كيىپ، ولاردىڭ گەرمەتيكالىعىن تەكسەرگەن.

ودان كەيىن عارىشكەرلەر مەن استروناۆتار وزدەرى ۇشاتىن «سويۋز م س-22» عارىش كەمەسىنىڭ قىزمەت كورسەتەتىن جابدىقتارىن تەكسەرىپ، ۇشۋ باعدارلاماسىن زەرتتەدى، بورتتىق قۇجاتتاما جانە ح ع س- قا جەتكىزىلگەن جۇكتەرمەن تانىستى، دەپ حابارلايدى يۋ. گاگارين اتىنداعى عارىشكەرلەردى دايارلاۋ ورتالىعىنىڭ باسپا ءسوز قىزمەتىنەن.

نەگىزگى ەكيپاج كومانديرى - سەرگەي پروكوپيەۆ. №1-عارىش كەمەسىنىڭ بورتينجەنەرى، قازاقستان تۋماسى دميتري پەتەلين قوستاناي قالاسىندا دۇنيەگە كەلگەن، جاسى 39-دا. ول قالاداعى تەحنيكالىق- ەكونوميكالىق ليتسەيدى ءبىتىرىپ، سودان كەيىن وڭتۇستىك ورال مەملەكەتتىك ۋنيۆەرسيتەتىنىڭ اەروعارىش فاكۋلتەتىندە ءبىلىم الىپ، ۇشاق جانە تىكۇشاق قۇراستىرۋ ينجەنەرى ماماندىعىن مەڭگەردى.

د. پەتەلين عارىشكەرلەر جاساعىندا 2012 -جىلدان بەرى جۇمىس ىستەيدى جانە بۇل عارىشكەر مانسابىنداعى العاشقى ۇشىرىلىم بولماق. ەكيپاجدىڭ ءۇشىنشى مۇشەسى، امەريكاندىق استروناۆت فرەنك رۋبيو 46 جاستا، ول اسكەري حيرۋرگ، ا ق ش ارمياسىنىڭ پودپولكوۆنيگى. تەوريالىق كوسموناۆتيكانىڭ نەگىزىن سالۋشى كونستانتين سيولكوۆسكيدىڭ اتىمەن اتالعان «سويۋز م س-22» باسقارىلاتىن عارىش كەمەسى وسى جىلدىڭ 21-قىركۇيەگىندە بايقوڭىر عارىش ايلاعىنىڭ 31-الاڭىنان ۇشىرىلادى دەپ جوسپارلانعان.

اۆتور زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى