قوسشىدا ەرەسەك ادام 10 جاسار بالانى ۇرعان

اقمولا وبلىستىق پ د باسپا ءسوز قىزمەتىنىڭ مالىمەتىنشە، مامىردىڭ 30 ىندا قوسشى قالالىق پ ب كەزەكشى بولىمىنە 39 جاستاعى جەرگىلىكتى تۇرعىن حابارلاسىپ، ءۇي اۋلاسىندا 10 جاسار ۇلىنا دەنە جاراقاتىن سالعان 40 جاستاعى ەر ادامعا قاتىستى شارا قولدانۋدى سۇرادى.

انىقتالعانداي، ءۇي اۋلاسىنداعى ويىن الاڭىندا كامەلەتتىك جاسقا تولماعان ەكى بالا اراسىندا جانجال بولعان.

كەيىن بالالاردىڭ ءبىرى اكەسىنە ايتىپ، شاعىمدانعان. ەر ادام ارىز بەرۋشىنىڭ ۇلىن بەت تۇسىنان جۇدىرىقپەن ۇرعان. بالا اتا-اناسىنا بولعان جاعداي تۋرالى حابارلاعان.

«قازىرگى كەزدە، وسى وقيعاعا بايلانىستى دەنساۋلىققا كەلتىرىلگەن زياننىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندالدى. قىلمىستىق كودەكستىڭ 107-بابى 2-بولىگى 8-بولىمشەسى «كامەلەتكە تولماعان بالاعا قاتىستى دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا سوتقا دەيىنگى تەرگەۋ جۇرگىزىلۋدە»، - دەدى ۆەدومستۆودان.

ايتا كەتسەك، بۇعان دەيىن كورشىسىنىڭ ءۇيىن بالالارىمەن بىرگە ورتەمەكشى بولعان كوكشەتاۋلىق ۇستالعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى