نيۋ- يوركتە اتىس بولىپ، 10 ادام كوز جۇمدى
پوليتسەيلەر مۇنى ناسىلدىك وشپەندىلىكتەن تۋىنداعان قىلمىس دەپ ساناپ وتىر. وقيعا ورنىندا ۇستالعان 18 جاستاعى جىگىت قاماۋعا الىندى. پوليتسيا ونىڭ اتى- ءجونىن ءالى جاريالامادى. كۇدىكتى سەنبى كۇنى تۇسكى ۋاقىتتا ادام كوپ جۇرەتىن سۋپەرماركەتكە كىرىپ، وق جاۋدىرعان. پوليتسيانىڭ مالىمەتىنشە، ول شابۋىلدى جەلىدە كورسەتۋ ءۇشىن كامەرانى پايدالانعان. ەر ادام قالانىڭ نەگىزىنەن قارا ناسىلدىلەر تۇراتىن ايماعىنا جەتۋ ءۇشىن بىرنەشە ساعات جول جۇرگەن دەپ بولجانىپ وتىر.
بۋففالو پوليتسياسىنىڭ كوميسسارى دجوزەف گراماليا قازا تاپقاندارداردىڭ كوپشىلىگى افرو- امەريكاندىقتار ەكەنىن ايتتى. ودان باسقا، سۋپەرماركەتتىڭ ءۇش قىزمەتكەرى وق جاراقاتىن العان. دۇكەندە جۇمىس ىستەيتىن زەينەتكەر پوليتسەي شابۋىلداۋشىنى توقتاتپاق بولعان كەزدە وق تيگەن. اۆتور: زارينا تۋعانبايەۆا
