جامبىل وبلىسىندا قىرعىزستاندا تىركەلگەن كولىكتەن 10 مىلتىق تابىلدى
«6- قاڭتار كۇنى ساعات 23:00 دە جامبىل وبلىسى قورداي اۋدانىنىڭ ورتالىعىندا مەملەكەتتىك تىركەۋ ءنومىرى جوق (كولىك قىرعىز رەسپۋبليكاسىنا تىركەلگەن) اق ءتۇستى Subaru ماركالى كولىك توقتاتىلدى. كولىكتى تەكسەرىپ قاراۋ بارىسىندا تەگىس ۇڭعىمالى 10 مىلتىق تابىلدى. پوليتسياعا 4 ادام جەتكىزىلدى»، - دەپ حابارلادى ق ر ىشكى ىستەر مينيسترلىگىنىڭ باسپا ءسوز قىزمەتىنەن.
سونىمەن قاتار ۆەدومستۆو مالىمەتىنشە، ءدال وسى قورداي اۋىلىندا جاڭا 26 ۇيالى تەلەفون مەن قوراپتاعى باسقا دا تۇرمىستىق زاتتار تيەلگەن 2 كولىك ۇستالدى. ەكى كۇدىكتى قورداي اۋداندىق پوليتسيا ءبولىمىنىڭ ۋاقىتشا وقشاۋلاعىشىنا قامالدى.
