شاحتادا كوز جۇمعان كەنشىلەردىڭ وتباسىلارىنا 10 جىلدىق تىرشىلىك شىعىنى تولەنەدى
بۇل تۋرالى ق ر توتەنشە جاعدايلار ءمينيسترى يۋري يلين قارعاندىدا ءوتىپ جاتقان ونلاين بريفينگىدە ءمالىم ەتتى، دەپ حابارلايدى قازاقپارات ءتىلشىسى.
ب ا ق وكىلدەرىنىڭ سۇراعىنا جاۋاپ بەرگەن مينيستر ازىرگە توتەنشە وقيعاعا ناقتى كىمنىڭ كىنالى ەكەنىن ايتۋ ەرتە ەكەنىن جەتكىزدى.
«كەز كەلگەن تەرگەۋ شاراسىنىڭ تالابى بولادى. ازىرگە ناقتى انىقتالعان كىنالىلەر جوق. ءبىراق كۇدىكتىلەردىڭ، جاۋاپ الىناتىنداردىڭ بەلگىلى ءبىر توبى بار دەۋگە بولادى. مۇنداي فاكتىگە جول بەرگەنى ءۇشىن قىلمىستىق جاۋاپكەرشىلىك قاراستىرىلعان. ءبىراق ونىڭ ءبارى كوميسسيا جۇرگىزگەن جۇمىستاردىڭ قورىتىندىسى بويىنشا ايقىندالادى»، - دەدى ۆەدومستۆو باسشىسى.
سونداي- اق، ول وقيعا كەزىندە قازا بولعان كەنشىلەردىڭ ءۇي ىشىنە قانداي كومەك كورسەتىلەتىنىن اتادى.
«جۇمىسشى مەن جۇمىس بەرۋشى اراسىندا بەكىتىلگەن ەڭبەك شارتى بويىنشا، قازا بولعانداردىڭ ءبارىنىڭ وتباسىنا 10 جىلدىق اقشالاي تىرشىلىك شىعىنى تولەنەدى. بۇدان كەيىن جەكە كەلىسىمشارتتار اياسىندا نەسيەلەرىن جابۋ ماسەلەسى قاراستىرىلادى. قازىر ستۋدەنت بولىپ جۇرگەن بالالارى بولسا، ولاردىڭ وقۋىن تولەۋ ماسەلەسى مىندەتتى تۇردە ەسكەرىلەدى. قولدا بار جەكە ەڭبەك شارتتارىنىڭ اياسىندا كومپانيا مۇقتاج وتباسىلارعا باسپانا بەرۋ ماسەلەسىن دە پىسىقتايدى»، - دەدى مينيستر.
ەسكە سالايىق، 7-قاراشا كۇنى ساعات 08:24 تە «ارسەلورميتتال تەمىرتاۋ» ا ق كومىر دەپارتامەنتىنىڭ «اباي» شاحتاسىندا مەتان گازى تاراي باستاعان. بۇل ۋاقىتتا شاحتادا 64 ادام جۇمىس ىستەپ جاتقان، 54 ءى ەۆاكۋاتسيالاندى. اپات سالدارىنان ەكى ادام زارداپ شەگىپ، التى كەنشى قازا تاپتى. زارداپ شەككەندەر اۋىر حالدە جانساقتاۋ بولىمىندە جاتىر. پرەزيدەنت قاسىم- جومارت توقايەۆ قازا تاپقان شاحتەرلەردىڭ جاقىندارى مەن تۋىستارىنا كوڭىل ايتتى. سونداي- اق زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
قازاقستان پرەمەر- ءمينيسترى اسقار ءماميننىڭ تاپسىرماسى بويىنشا توتەنشە جاعدايلار ءمينيسترى يۋري ءيليننىڭ باسشىلىعىمەن وقيعانىڭ ءمان- جايى مەن سەبەپتەرىن انىقتايتىن مەملەكەتتىك كوميسسيا قۇرىلدى. اپات سالدارىنان قازا بولعاندار مەن زارداپ شەككەندەردىڭ ەسىمدەرى. ق ر ت ج م باسشىسى يۋري يلين باق وكىلدەرىنە ارنالعان بريفينگىدە اپاتقا قاتىستى قىلمىستىق ءىس قوزعالعانىن ايتتى.
كوز جۇمعان 6 كەنشى مەتان گازى تاراعان كەزدە قۇتقارۋ قۇرالىن كيىپ ۇلگەرمەي قالعان. سونداي- اق مينيستر «اباي شاحتاسى جابىلا ما؟ « دەگەن سۇراققا جاۋاپ بەردى.
