الماتى پوليتسياسى 10 كۇنگە كۇشەيتىلگەن قىزمەتكە اۋىستىرىلادى

بۇل تۋرالى قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى. «قاۋىپسىز جول» جەدەل- الدىن الۋ ءىس- شاراسىنا بايلانىستى الماتىدا جول قوزعالىسىن باقىلاۋ كۇشەيتىلەدى.

«جەدەل- الدىن الۋ ءىس- شارالارى وتەتىن كۇندەرى پوليتسيانىڭ جەكە قۇرامى كۇشەيتىلگەن قىزمەتكە اۋىستىرىلادى. بۇل رەتتە ناريادتاردىڭ تىعىزدىعى ارتادى. شارانىڭ باستى ماقساتى - جول قوزعالىسىنا قاتىسۋشىلاردىڭ جولداعى ءتارتىبى مەن قاۋىپسىزدىگىن قامتاماسىز ەتۋ، جول قوزعالىسى ەرەجەلەرىن بۇزۋ فاكتىلەرىنىڭ جولىن كەسۋ، جول قوزعالىسى ەرەجەلەرىنىڭ تالاپتارىن ورىندامايتىن جۇرگىزۋشىلەردى انىقتاۋ»، - دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.

سونداي-اق، ءىس- شارا بارىسىندا پوليتسەيلەر اينەكتەرى كاراڭعىلانعان، جالعان تىركەۋ نومىرلەرى بار كولىكتەردى پايدالانۋ، كولىكتى ماس كۇيدە جۇرگىزۋ، سيگنالدىق داۋىس زورايتقىش قوندىرعىلار مەن جىپىلىقتايتىن ماياكتاردى ورناتۋ، جىلدامدىقتى اسىرىپ جىبەرۋ جانە باسقا دا جول ءجۇرۋ ەرەجەلەرىن بۇزۋ فاكتىلەرىنە نازار اۋدارادى.

«قوعامدىق كولىك جانە تاكسي پاركتەرىنىڭ قىزمەتى ەرەكشە باقىلاۋدا بولادى. وسىعان بايلانىستى قالالىق اۆتوكاسىپورىندار وكىلدەرىمەن جوسپاردان تىس كەزدەسۋلەر جوسپارلانعان، وندا جول قاۋىپسىزدىگىن قامتاماسىز ەتۋ بويىنشا ءبىرقاتار ماسەلە تالقىلانادى»، - دەدى پوليتسيا دەپارتامەنتى باستىعىنىڭ ءبىرىنشى ورىنباسارى.

اۆتور: دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى