«حالىق قاتىساتىن بيۋدجەت» جوبالارىن قارجىلاندىرۋ 10 ەسەگە ۇلعايتىلادى
بۇل تۋرالى ق ر ۇلتتىق ەكونوميكا مينيسترلىگى وڭىرلەردى تالداۋ جانە جەرگىلىكتى ءوزىن- ءوزى باسقارۋدى دامىتۋ دەپارتامەنتىنىڭ ديرەكتورى انار بايتۇكەنوۆا ايتتى، دەپ حابارلايدى قازاقپارات ءتىلشىسى.
«وتكەن جىلى پيلوتتىق رەجيمدە نۇر- سۇلتان، الماتى، شىمكەنت قالالارىندا جانە بارلىق وبلىس ورتالىقتارىندا «حالىق قاتىساتىن بيۋدجەت» قۇرالى ءساتتى ەنگىزىلدى. ول ازاماتتاردىڭ بيۋدجەت پروتسەسىنە كەڭىنەن قاتىسۋىن كوزدەيدى. اۋلالار مەن سپورت الاڭدارىن اباتتاندىرۋ بويىنشا 2,3 ميلليارد تەڭگە سوماسىنا 81 جوبا ىسكە اسىرىلدى. پيلوتتىق جوبانىڭ وڭ ناتيجەلەرىن ەسكەرە وتىرىپ، «حالىق قاتىساتىن بيۋدجەت» اياسىنداعى جوبالاردى قارجىلاندىرۋ كولەمىن 10 ەسە ۇلعايتۋ كوزدەلىپ وتىر»، - دەدى انار بايتۇكەنوۆا.
سونىمەن قاتار ول جەرگىلىكتى بيۋدجەتتەردى بەكىتۋ پروتسەسىنە باقىلاۋدى كۇشەيتۋ ماقساتىندا ينفراقۇرىلىمدىق جانە الەۋمەتتىك باستامالارعا ارنالعان شىعىستار بويىنشا ونلاين- سۇراۋلاردى قولدانۋدى قوسا العاندا، قوعامدىق ساراپتامالاردى ەنگىزۋ كوزدەلەتىندىگىن ايتتى.
«بۇل ءىس- شارالار حالىقتىڭ ناقتى قاجەتتىلىكتەرىن ەسكەرۋگە جانە ازاماتتاردىڭ جەرگىلىكتى اتقارۋشى بيلىك ورگاندارىنا سەنىم دەڭگەيىن ارتتىرۋعا مۇمكىندىك بەرەدى»، - دەدى دەپارتامەنت ديرەكتورى.
