ەلوردادا 10 ميلليون ارحيۆ قۇجاتىن ساقتايتىن قويما سالۋ كەرەك – مينيستر
«نۇر- سۇلتان قالاسىندا ق ر ۇلتتىق ءارحيۆىنىڭ ارحيۆ قۇجاتتارىن، سونداي- اق مەملەكەتتىك ساقتاندىرۋ قورى قۇجاتتارىنىڭ كوشىرمەلەرىن ساقتاۋدى جۇزەگە اسىراتىن، 10 ميلليون قۇجات ساقتاۋعا ارنالعان جەكە ارحيۆ قويماسىن سالۋ ماسەلەسى قاراۋدى تالاپ ەتەدى»، - دەدى ول.
ونىڭ اتاپ وتۋىنشە، ارحيۆتەردىڭ جۇكتەلۋ پروبلەماسىن شەشۋ ماقساتىندا مادەنيەت جانە سپورت مينيسترلىگى 2020 -جىلعى جەلتوقساندا قۇرىلىس جانە تۇرعىن ءۇي- كوممۋنالدىق شارۋاشىلىق كوميتەتىنە 200، 500 مىڭ، 1 ميلليون جانە 1,5 ميلليون ساقتاۋ بىرلىگىنە ارنالعان مەملەكەتتىك ارحيۆتىك ۇلگىلىك عيماراتتارىنىڭ جوبالىق- سمەتالىق قۇجاتتاماسىن ازىرلەۋگە ءوتىنىم بەرگەن.
«ءوز كەزەگىندە يندۋستريا جانە ينفراقۇرىلىمدىق دامۋ مينيسترلىگى 2021 -جىلعى 11-ناۋرىزدا مادەنيەت جانە سپورت مينيسترلىگىنىڭ ءوتىنىمى نەگىزىندە مەملەكەتتىك ارحيۆتەر عيماراتتارىنىڭ ۇلگىلىك جوبالارىن ازىرلەۋ ءۇشىن 2022-2024 -جىلدارعا ارنالعان بيۋدجەتتىك ءوتىنىم قالىپتاستىردى. رەسپۋبليكالىق بيۋدجەتتىك كوميسسيا ءوتىنىمدى ماقۇلداعان جاعدايدا يندۋستريا جانە ينفراقۇرىلىمدىق دامۋ مينيسترلىگى 2022 -جىلى زاڭنىڭ بەلگىلەنگەن تالاپتارىنا سايكەس ارحيۆ عيماراتىنىڭ ۇلگىلىك جوبالارىن ازىرلەۋگە دايىن»، - دەدى اقتوتى رايىمقۇلوۆا.
