الەم بويىنشا ازىق- تۇلىكتىڭ قىمباتتاۋى سوڭعى 10 جىلدىڭ رەكوردتىق كورسەتكىشىنە جەتتى

«ازىق- تۇلىك باعاسىنىڭ ءوسۋى بۇكىل الەمدە بايقالادى. بىرىككەن ۇلتتار ۇيىمىنىڭ ازىق- تۇلىك جانە اۋىل شارۋاشىلىعى قۇرىلىمىنىڭ دەرەكتەرىنە سايكەس، بيىلعى مامىر ايىنداعى باعالار وتكەن جىلدىڭ سايكەس كەزەڭىمەن سالىستىرعاندا %40 كە وسكەن. بۇل سوڭعى 10 جىلدىڭ رەكوردتىق كورسەتكىشى بولىپ وتىر»، - دەدى ساۋدا ءمينيسترى بۇگىنگى ۇكىمەت وتىرىسىندا. ونىڭ ايتۋىنشا، باعانىڭ قىمباتتاۋى كورشىلەس ەلدەردە دە بايقالادى.

ماسەلەن، رەسەيمەن سالىستىرعاندا قازاقستاندا كوپتەگەن تاۋارلار بويىنشا باعا ءوسىمى تومەن.

«وكىنىشكە وراي، الەمدىك نارىق بىزگە دە اسەر ەتتى. ءبىراق، بىزدە ىشكى نارىقتاعى سۇرانىس پەن ۇسىنىستىڭ تەڭگەرىمسىزدىگىنە اكەلەتىن قوسىمشا پروبلەمالار بايقالادى»، - دەيدى باقىت سۇلتانوۆ.

ايتا كەتەيىك، بيىلعى 5 ايدىڭ قورىتىندىسى بويىنشا الەۋمەتتىك ماڭىزى بار ازىق- تۇلىك تاۋارلارىنىڭ ايتارلىقتاي قىمباتتاۋى تۇركىستان وبلىسىندا -%9,4، نۇر- سۇلتان قالاسىندا -%8,5 جانە الماتى قالاسىندا -%6 تىركەلگەن.

باعانىڭ ەڭ تومەن ءوسىمى باتىس قازاقستان وبلىسىندا -%5,7، اقمولا وبلىسىندا -%5,6 جانە قاراعاندى وبلىسىندا -%5,2 بايقالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى