تۇركيادا 10 ادميرالعا مەملەكەتتىك توڭكەرىس جاساماق بولدى دەگەن ايىپ تاعىلدى

ولار بوسفور جانە داردانەلل بۇعازدارىن باقىلاۋعا بايلانىستى اشىق حات جازىپ، مونتريە كەلىسىمىنە قاتىستى پىكىر ايتقان. ياعني، ونى قايتا قاراۋ قاۋىپتى ەكەنىن ەسكەرتكەن. حاتقا 104 زەينەتكەر اسكەري قول قويعان.

تۇركيا بيلىگى تاعى 4 ادميرالدى قاماۋعا وردەر بەرىلگەن ەدى. ءبىراق جاسى ەگدە تارتقانىنا بايلانىستى ولاردى ۇستاۋعا بۇيرىق بەرىلمەدى. سونداي- اق تۇركيانىڭ قارۋلى كۇشتەرى اتىشۋلى ۇندەۋدى قولداعان بىرنەشە ادامدى باسپانا مەن كۇزەتكە يە بولۋ قۇقىعىنان ايىردى. 85 جىل بۇرىن قابىلدانعان مونتريە كونۆەنسياسى بويىنشا اتالعان بۇعازدارعا باقىلاۋ جاساۋ، ساۋدا جانە اسكەري كەمەلەردىڭ قوزعالىسىن رەتتەۋ مۇمكىندىگى بەرىلگەن.

پرەزيدەنت رەجەپ ەردوعاننىڭ ويىنشا، كونۆەنتسيا تۇركيانىڭ مۇددەسىنە تولىق قىزمەت ەتپەيدى، ول كەلىسىمنەن شىعۋىمىز مۇمكىن دەپ مالىمدەگەن. ءتىپتى ول «ىستامبۇل» اتتى جاڭا كانال سالىپ جاتىر. ال ادميرالدار كونۆەنسيادان باس تارتۋ دۇرىس ەمەس دەپ حات جازعان.

رەجەپ تايىپ ەردوعان، تۇركيا پرەزيدەنتى:

- بۇل انىق ارام پيعىلدى ادامداردىڭ تىرلىگى. وتستاۆكاعا كەتكەن ادميرالداردىڭ مىندەتى - توڭكەرىسكە قاتىستى ساياسي پىكىرتالاستى قامتيتىن اقپاراتتى جاريالاماۋ. ءدال قازىر ءبىزدىڭ مونتريە كونۆەنسياسىنان باس تارتاتىن نيەتىمىز جوق، ءبىراق قاجەتتىلىك تۋسا جانە ەلىمىز ءۇشىن جاقسى نۇسقالار پايدا بولسا، كەز كەلگەن كونۆەنسيانى ەش ويلانباستان قايتا قاراستىرامىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى