جاڭا جىل تۋرالى قىزىق 10 دەرەك

كونە زامانداعى ادامدار مادرۋك قۇداي زۇلىمدىق پەن ءولىمدى جەڭدى دەپ ساناعان. سول سەبەپتى مەسوپوتاميا حالقى جاقسىلىقتىڭ جاماندىقتى جويعانىنا قۋانىپ، بىرنەشە اي بويى تويلايدى. نازارىڭىزعا جاڭا جىل تۋرالى قىزىق دەرەكتەردى ۇسىنامىز.

1. ەجەلگى گرەكيادا جاڭا جىل جازعى كۇن توقىراۋى - 22 - ماۋسىمدا تويلانىپ، شاراپ قۇدايى ديونيسكە ارنالعان.

2. جاڭا جىلدا بارىمىزگە سىيلىق تاراتاتىن اياز اتا شامامەن 150 جىل بۇرىن پايدا بولعان.

3. ەجەلگى اڭىزداردىڭ بىرىندە بۇدان 5 مىڭ جىل بۇرىن عۇندار جاڭا جىل مەرەكەسىن تويلاعانى ايتىلادى.

4. مۇرات ءادجىنىڭ «قىپشاقتار» اتتى كىتابىندا «شىرشالار مەرەكەسى» دەگەن تاراۋ بار. ونىڭ جازۋىنشا، مەرەكە ەڭ باسىندا قۇدايلار مەن ارۋاقتار مەكەنى جەر شارىنىڭ تۋرا كىندىگىندە تىرشىلىك ەتكەن جەر-سۋدىڭ (يەرسۋ) قۇرمەتىنە ارنالىپتى.

5. شىرشانى بەزەندىرۋ سالتى XVII عاسىردا باستالعان. العاشقى شىرشا ەلزاستا بەزەندىرىلگەن.

6. شىرشانىڭ ويىنشىعى العاش رەت XVI عاسىردا ساكسونيادا جاسالعان. ال ونى جاپپاي ءوندىرۋ ⅩⅨ عاسىردا باستالعان.

7. ەجەلگى ريمدە جاڭا جىلدى ناۋرىز ايىندا قارسى العان. سەبەبى ءدال وسى ۋاقىتتا العاشقى ەگىن جۇمىستارى باستالاتىن بولعان.

8. ەسكيموستار جاڭا جىلدى العاشقى قار جاۋعان كۇنى قارسى الادى.

9. 1843-جىلى لوندوندا ەڭ العاشقى جاڭا جىلدىق قۇتتىقتاۋ حات دايىندالعان. سول ۋاقىتتان بەرى تەك جاڭا جىلدا عانا ەمەس، ءار مەرەكەدە ارنايى بەزەندىرىلگەن قۇتتىقتاۋ حات ارقىلى ىزگى تىلەك جولداۋ ءداستۇرى قوعامعا ءسىڭىپ كەتتى.

10. 1516-جىلى انگليادا گەنريح VIII- ءنىڭ ءۇيىنىڭ ەسىك الدىنا قۇرىلعان شىرشا التىننان قۇيىلعان.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى