قازاقستاندا 10 جىل بۇرىن مۇزداتىلعان ەمبريوننان ءسابي دۇنيەگە كەلدى
بۇل تۋرالى دەنساۋلىق ساقتاۋ مينيسترلىگىنىڭ انا مەن بالا دەنساۋلىعىن قورعاۋ دەپارتامەنتىنىڭ جاۋابىندا ايتىلادى.
ۆەدومستۆو مالىمەتىنشە، بۇل پروتسەسس كريوكونسەرۆاتسيا دەپ اتالادى.
«قازاقستاندا فەرتيل جاستاعى ايەلدەردى قايتا ۇرىقتاندىرۋ مۇمكىندىگى ءۇشىن ەمبريونداردى كريوكونسەرۆاتسيالاۋ جانە ساقتاۋ جۇزەگە اسىرىلادى. پروتسەسس قازاقستان دەنساۋلىق ساقتاۋ ءمينيسترىنىڭ مىندەتى اتقارۋشىسىنىڭ 2009 -جىلعى 30-قازانداعى №624- «دونورلىقتى جۇرگىزۋ جانە جىنىستىق جاسۋشالاردى ساقتاۋ ەرەجەسىن بەكىتۋ تۋرالى» بۇيرىعىمەن رەتتەلەدى»، - دەلىنگەن ساۋالعا جاۋاپتا.
سونداي-اق، انا مەن بالا دەنساۋلىعىن قورعاۋ دەپارتامەنتىندەگىلەر مۇنداي پروتسەدۋرا مىندەتتى الەۋمەتتىك مەديتسينالىق ساقتاندىرۋ اياسىندا وتكىزىلەتىنىن ايتتى. جۇپتارعا ەكستراكورپورالدىق ۇرىقتاندىرۋدى جۇرگىزۋگە كۆوتا بەرىلۋى مۇمكىن.
