ەلوردادا 10 جىلدان بەرى العاش رەت سپورتشىلارعا تولەنەتىن تولەماقى كوبەيدى
«سپورت ينفراقۇرىلىمىن دامىتۋدىڭ ناتيجەسىندە قالا تۇرعىندارى سپورت پەن سالاۋاتتى ءومىر سۇرۋگە بەيىمدەلەدى. كەيىنگى كەزدە ءتۇرلى ىندەتتىڭ پايدا بولۋى ەرتە جاستان باستاپ دەنساۋلىققا جانە يممۋنيتەتتى نىعايتۋدىڭ اسا ماڭىزدى ەكەنىن كورسەتتى. پرەزيدەنتتىڭ تاپسىرماسىنا سايكەس بۇقارالىق سپورتتى دامىتۋ، جاستار مەن مەن كاسىبي سپورتشىلاردى قولداۋ مەن ودان ءارى ىنتالاندىرۋ ءۇشىن جۇيەلى شارالار قابىلداندى. ونىڭ ىشىندە پاراليمپيادالىق سپورت تۇرلەرىنە قولداۋ كورسەتۋ نازاردان تىس قالعان جوق. بۇگىن قالاداعى بالالار مەن جاس وسپىرىمدەر سپورت مەكتەپتەرىنىڭ ديرەكتورلارىمەن وزەكتى ماسەلەلەردى تالقىلادىق»، - دەپ جازادى شاھار باسشىسى ءوزىنىڭ Instagram پاراقشاسىندا.
اكىمنىڭ ايتۋىنشا، بۇقارالىق سپورتتى دامىتۋ ماقساتىندا ءتيىستى مەكەمەلەرگە ءبىرقاتار تاپسىرمالار بەرىلگەن.
«ءبىرىنشى. جاڭا وقۋ جىلىنىڭ باسىنان باستاپ، جوعارى ءبىلىم الۋعا اكىمدىك گرانتتارىن ءبولۋدى تاپسىردىم (سپورت باعىتى بويىنشا). بۇل وقۋشىلاردى ىنتالاندىرىپ قانا قويماي، ولاردىڭ وسى باعىتتا كاسىبي ءبىلىم الۋىنا مۇمكىندىك بەرەدى.
ەكىنشى. سپورتتاعى ءار جەتىستىك جىلدار بويعى دايىندىق جۇمىستارى مەن ۇلكەن ەرىك-جىگەردىڭ ارقاسىندا كەلەدى. ستۋدەنتتەردىڭ دەنساۋلىعىن ارنايى ماماندار، دارىگەرلەر ءجىتى باقىلاپ، ۋاقتىلى كومەكتەسۋى كەرەك. شتاتقا سپورت دارىگەرلەرىن وقىتاتىن مامانداندىرىلعان مەكتەپتەردى ەنگىزۋ ماسەلەسىن زەرتتەيمىز.
ءۇشىنشى. سپورت مەكتەپتەرىنە سپورت مەكەمەلەرى مەن كەشەندەرىندە ساباقتار وتكىزۋگە، ارنايى جاتتىعۋ كيىمىن ساتىپ الۋعا، جارىس پەن جاتتىعۋ كەزىندە ستۋدەنتتەردى تاسىمالداۋعا جانە باسقا ماسەلەلەر بويىنشا قولداۋ كورسەتۋدى جالعاستىرامىز.
ءتورتىنشى. وسى جىلدىڭ قازان ايىنان باستاپ اي سايىنعى ماتەريالدىق تولەماقىنىڭ مولشەرى ۇلعايدى. سوڭعى 10 جىل وزگەرىسسىز قالعان ەكەن. ق ر قۇراما كوماندالارىنىڭ قۇرامىنا كىرەتىن جانە قۇراما ساپىندا ونەر كورسەتەتىن سپورتشىلارعا، سونداي-اق ولاردىڭ جاتتىقتىرۋشىلارىنا تولەنەتىن ەڭبەكاقى كولەمىن ۇلعايتۋ اسا ماڭىزدى. سپورتپەن اينالىسۋى ءۇشىن قوسىمشا ىنتالاندىرۋ. ەگەر بۇرىن ۇلتتىق قۇراماعا كىرگەن 84 سپورتشى عانا اي سايىنعى تولەمدى السا، ەندى ولاردىڭ سانى ەكى ەسەدەن استام ءوستى.
بەسىنشى. بيىل ءبىرقاتار سپورت مەكەمەلەرى جوندەلدى. ءۇش ەلدى مەكەندە ءىرى دەنە شىنىقتىرۋ-ساۋىقتىرۋ كەشەندەرىنىڭ قۇرىلىسى ءجۇرىپ جاتىر. كەلەسى جىلى تاعى بىرەۋىنىڭ قۇرىلىسى باستالماق. وندا تۇرعىندار ءتۇرلى سپورت تۇرلەرىمەن تەگىن اينالىسىپ، بوس ۋاقىتىن وتكىزە الادى» دەلىنگەن جازبادا.
