شىمكەنتتە اسكەري بولىمنەن قارۋ-جاراق ۇرلاپ، ساتقان سارباز 10 جىلعا سوتتالدى

سوت باستى ايىپتالۋشىنى 10 جىلعا باس بوستاندىعىنان ايىردى، دەپ حابارلايدى قازاقپارات ءتىلشىسى.

بۇدان بولەك سوت ۇكىمى ونىمەن سىبايلاس بولدى دەگەن وزگە دە ايىپتالۋشىلارعا شىقتى. ولاردىڭ ەكەۋى، ياعني قارۋ ۇرلاۋعا كومەكتەسكەن سوتتالۋشىنىڭ اۋىلداستارى ەندى الداعى 8 جىلىن تەمىر توردا وتكىزەدى. تاعى ءبىرى 5 جىلعا، ۇشەۋى ءۇش جىلعا سوتتالدى. ايىپتى دەپ تانىلعان سەگىزىنشى ازامات سوت زالىنان بوساتىلدى. قىلمىسقا سىبايلاس بولعان ەكىنشى كۋرس ستۋدەنتى بەكجان سانجار مەملەكەتكە 500 ا ە ك ياعني، 1 ميلليون تەڭگە ايىپپۇل تولەيتىن بولدى.

ءبىراق، قىلمىستىق ءىستىڭ باس تۇلعاسى دەپ تانىلعان ابىلاي بالعىنباي اتالعان جازامەن كەلىسپەيدى.

ەسكە سالا كەتەيىك، ول بۇعان دەيىن ۇرلىققا كومانديرىنىڭ بۇيرىعىمەن بارعانىن ايتقان ەدى. ال، سوت ۇكىمى 10 كۇننەن كەيىن كۇشىنە ەنەدى. ساربازدى ۇستاۋ وپەراتسياسىن ءى ءى م مەن ۇ ق ك ارنايى جەدەل توبى بىرىگىپ جۇرگىزگەن. الەۋمەتتىك جەلىلەردە ابىلاي بالعىنباي ەسىمدى ساربازدىڭ ورداباسى اۋدانى بادام ستانسياسى ماڭىنداعى اسكەري بولىمنەن 30 ا ك-74 اۆتوماتىن، 27 پ م تاپانشاسىن، 400 دانا 5,45 وعىن الىپ قاشقانى تۋرالى اقپارات تاراعان.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى