مينيسترلىك قايتىس بولعان دارىگەرلەردىڭ وتباسىنا 10 ميلليون تەڭگە تولەۋ جايىن ءتۇسىندىردى
بۇل تۋرالى ورتالىق كوممۋنيكاتسيالار قىزمەتىندە ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءمالىم ەتتى، دەپ حابارلايدى قازاقپارات ءتىلشىسى.
وسى ورايدا رەسمي وكىل قايتىس بولعان مەديتسينا قىزمەتكەرلەرىنىڭ تۋىستارىنا وتەماقىنى بارىنشا جەدەل تولەۋدى قامتاماسىز ەتۋ ءۇشىن ءتيىستى شەشىم جاسالعانىن جەتكىزدى.
«بۇل وتەماقى قايتىس بولعان مەديتسينا قىزمەتكەرىنىڭ تۋىسىنا تولەنەدى، ياعني ءتيىستى ءوتىنىمدى بەرگەن جاقىنىنا بەرىلەدى. ەگەر مۇراگەرلىككە ۇمىتكەر باسقا تۋىستارى شىقسا، وندا بۇل ماسەلەنى قاراستىرۋ قازاقستان رەسپۋبليكاسىنىڭ زاڭناماسى اياسىندا ىسكە اسىرىلادى»، - دەدى ب. قوجاحمەتوۆ.
بۇدان بۇرىن حابارلانعانداي، شىلدە ايىنىڭ قورىتىندىسى بويىنشا 78 مىڭ مەديتسينا قىزمەتكەرىنىڭ ەڭبەكاقىسىنا ۇستەمە بەرىلەدى.
اۆتور: رۋسلان عابباسوۆ
