ەلورداداعى مەديتسينا قىزمەتكەرلەرىنە ۇستەمەاقىسى 10 - مامىرعا دەيىن تولەنەدى
«ۇستەمەاقى جۇمىس ىستەگەن كۇندەر مەن قاۋىپ ساتىسىنا قاراي بەرىلەتىنىن بىلەسىزدەر. 10 - ساۋىرگە دەيىن ناۋرىز ايى بويىنشا 1893 مەديتسينالىق قىزمەتكەرگە ۇستەمەاقى تولەندى. ول ءۇشىن 643 ميلليون تەڭگە ءبولىندى»، - دەدى نۇر- سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ونلاين بريفينگتە. باسقارما باسشىسى ءوز سوزىندە ءساۋىر بويىنشا ۇستەمەاقى 10 - مامىرعا دەيىن تولەنەتىنىن جەتكىزدى.
«بۇيرىققا سايكەس ۇستەمەاقى بەرىلەتىن دارىگەرلەردىڭ ءتىزىمىن باس دارىگەرلەر بەرەدى» ، - دەدى ول.
ايتا كەتسەك مەملەكەت باسشىسىنىڭ تاپسىرماسىن ورىنداۋ شەڭبەرىندە مەملەكەتتىك كوميسسيا ەپيدەمياعا قارسى كۇرەسىپ جاتقان مەديتسينا قىزمەتكەرلەرىنە اي سايىن ەڭبەكاقىلارىنا بەلگىلى مولشەردە ۇستەمەاقى تولەۋ تۋرالى شەشىمدى بەكىتتى. وسى بۇيرىققا سايكەس، تاۋەكەلدىڭ ءۇش توبى انىقتالىپ، ولار 380 مىڭ تەڭگەدەن 850 مىڭ تەڭگەگە دەيىن ۇستەمەاقى الۋى ءتيىس.
